Copter ಜತೆಗೆ ಸೆಲ್ಫಿ: ರೆಕ್ಕೆ ತಾಗಿ ಸರ್ಕಾರಿ ಅಧಿಕಾರಿ ಸಾವು

ಡೆಹ್ರಾಡೂನ್‌: ಹೆಲಿಕಾಪ್ಟರ್‌ ಜತೆಗೆ ಸೆಲ್ಫಿ ತೆಗೆದುಕೊಳ್ಳಲು ಹೋಗಿ, ಕಾಪ್ಟರ್‌ನ ರೆಕ್ಕೆ ತಾಗಿ ಸರ್ಕಾರಿ ಅಧಿಕಾರಿಯೊಬ್ಬರು ಮೃತಪಟ್ಟಿರುವ ಘಟನೆ ಉತ್ತರಾಖಂಡದಲ್ಲಿ ವರದಿಯಾಗಿದೆ. ಕೇದಾರನಾಥ ಧಾಮಕ್ಕೆ ಆಗಮಿಸಿದ್ದ ಕಾಪ್ಟರ್‌ನೊಂದಿಗೆ ಸೆಲ್ಫಿ ತೆಗೆದುಕೊಳ್ಳುವುದಕ್ಕೆಂದು ಉತ್ತರಾಖಂಡ ನಾಗರಿಕ ವಿಮಾನಯಾನ ಪ್ರಾಧಿಕಾರದ ಹಣಕಾಸು ನಿಯಂತ್ರಕರಾಗಿದ್ದ ಜಿತೇಂದ್ರ ಕುಮಾರ್‌ ಸೈನಿ ಮುಂದಾಗಿದ್ದರು. ಈ ವೇಳೆ ಅರಿವಿಲ್ಲದಂತೆ ಹೆಲಿಕಾಪ್ಟರ್‌ನ ಟೈಲ್‌ ರೋಟರ್‌ ಬ್ಲೇಡ್‌ ವ್ಯಾಪ್ತಿಯ ಬಳಿ ಬಂದಿದ್ದಾರೆ. ಸೆಲ್ಫಿ ತೆಗೆಯುತ್ತಿದ್ದಂತೆ, ಬ್ಲೇಡ್‌ ಬೀಸಿದ ರಭಸಕ್ಕೆ ಗಂಭೀರ ಗಾಯಗೊಂಡು ಮೃತರಾಗಿದ್ದಾರೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.