ಜ.19ಕ್ಕೆ ಮೈಸೂರಿನಲ್ಲಿ ಸೀತಾರಾಮ ಕಲ್ಯಾಣ

ನಿಖಿಲ್‌ಕುಮಾರ್‌ ಅಭಿನಯದ “ಸೀತಾರಾಮ ಕಲ್ಯಾಣ’ ಚಿತ್ರ ಜ. 25 ರಂದು ಬಿಡುಗಡೆಯಾಗಲಿದೆ ಎಂಬ ವಿಷಯ ಗೊತ್ತೇ ಇದೆ. ಅದಕ್ಕೂ ಮುನ್ನ ಜ.19 ರಂದು ಮೈಸೂರಿನಲ್ಲಿ ಅದ್ಧೂರಿಯಾಗಿ ನಡೆಯಲಿದೆ. ಹೌದು, ಈ ಹಿಂದೆ ಹುಬ್ಬಳ್ಳಿಯಲ್ಲಿ ಪ್ರೀ-ರಿಲೀಸ್‌ ಈವೆಂಟ್‌ ಕಾರ್ಯಕ್ರಮ ನಡೆಯಬೇಕಿತ್ತು. ಆದರೆ, ಇದೀಗ ಆ ಕಾರ್ಯಕ್ರಮ ಮೈಸೂರಲ್ಲಿ ನಡೆಯಲಿದೆ.

ಮೈಸೂರು ಸೇರಿದಂತೆ ಮಂಡ್ಯ, ರಾಮನಗರ ಸುತ್ತಮುತ್ತ ಅಭಿಮಾನಿಗಳು ಹೆಚ್ಚಾಗಿರುವುದರಿಂದ ಮೈಸೂರಲ್ಲೇ ಕಾರ್ಯಕ್ರಮ ಆಯೋಜಿಸಲು ವೇದಿಕೆ ಸಿದ್ಧವಾಗುತ್ತಿದೆ. ಈ ಹಿಂದೆ ಚಿತ್ರದ ಟೀಸರ್‌ ಬಿಡುಗಡೆಯನ್ನೂ ಸಹ ರಾಮನಗರದಲ್ಲಿ ಅದ್ಧೂರಿಯಾಗಿ ಬಿಡುಗಡೆ ಮಾಡಲಾಗಿತ್ತು. ಇನ್ನು, ಎ.ಹರ್ಷ ನಿರ್ದೇಶಿಸಿರುವ ಈ ಚಿತ್ರದ ಮತ್ತೂಂದು ಹಾಡನ್ನು ಸಂಕ್ರಾಂತಿಗೆ ಬಿಡುಗಡೆ ಮಾಡಲಾಗುತ್ತಿದೆ. ಚಿತ್ರಕ್ಕೆ ಅನೂಪ್‌ ರುಬೆನ್ಸ್‌ ಸಂಗೀತವಿದೆ. ಜೆ. ಸ್ವಾಮಿ ಛಾಯಾಗ್ರಹಣ ಮಾಡಿದ್ದಾರೆ.

ಚಿತ್ರದಲ್ಲಿ ನಿಖಿಲ್‌ಕುಮಾರ್‌ಗೆ ಜೋಡಿಯಾಗಿ ರಚಿತಾರಾಮ್‌ ನಟಿಸಿದ್ದಾರೆ. ಉಳಿದಂತೆ ಶರತ್‌ಕುಮಾರ್‌, ರವಿಶಂಕರ್‌, ಮಧುಬಾಲ, ಗಿರಿಜಾ ಲೋಕೇಶ್‌, ಚಿಕ್ಕಣ್ಣ, ಆದಿತ್ಯ ಮೆನನ್‌, ಜ್ಯೋತಿ ರೈ, ನಯನಾ, ಶಿವರಾಜ್‌ ಕೆ.ಆರ್‌.ಪೇಟೆ, ಜೀವನ್‌, ವೀಣಾ ಪೊನ್ನಪ್ಪ, ರವಿಭಟ್‌, ಸವಿತಾ, ಗಿರೀಶ್‌ ಜತ್ತಿ, ಹರೀಶ್‌, ಸಂಜು ಬಸ್ಯ ಸೇರಿದಂತೆ ಹಲವು ನಟರು ನಟಿಸಿದ್ದಾರೆ.