ಪವರ್‌ಗ್ರಿಡ್‌ ನಿರ್ದೇಶಕರಾಗಿ ಸೀಮಾ ಗುಪ್ತಾ ಆಯ್ಕೆ

ನವದೆಹಲಿ: ಪವರ್‌ಗ್ರಿಡ್‌ ಕಾರ್ಪೊರೇಷನ್‌ ಆಫ್‌ ಇಂಡಿಯಾ ಲಿ.ನ ನೂತನ ಕಾರ್ಯಾಚರಣೆ ನಿರ್ದೇಶಕಿಯಾಗಿ ಸೀಮಾ ಗುಪ್ತಾ ಅವರು ಮಾ.1 ರಂದು ಅಧಿಕಾರ ಸೀಕರಿಸಿದ್ದಾರೆ. ಸೀಮಾ ಅವರು ಈ ಹಿಂದೆ ಇದೇ ಸಂಸ್ಥೆಯ ಉತ್ತರ ವಲಯ-1ರ ಕಾರ್ಯಾನಿರ್ವಾಹಕ ನಿರ್ದೇಶಕರಾಗಿದ್ದರು.

ಎಂಜಿನಿಯರ್‌ ಪದವಿ ಪಡೆದ ನಂತರ ನಿರ್ವಹಣೆ ವಿಭಾಗದಲ್ಲಿ ಸ್ನಾತಕೋತ್ತರ ಪದವಿ ಮುಗಿಸಿ ಪವರ್‌ಗ್ರಿಡ್‌ ಸಂಸ್ಥೆಗೆ ಸೇರಿದ್ದ ಸೀಮಾ ಅವರಿಗೆ, ವಾಣಿಜ್ಯ, ಅಂತಾರಾಷ್ಟ್ರೀಯ ವಹಿವಾಟು, ಕಾರ್ಪೊರೇಟ್‌ ಯೋಜನೆ, ಕಾರ್ಪೊರೇಟ್‌ ವಿಭಾಗದ ಉಸ್ತುವಾರಿ, ಸೆಂಟ್ರಲ್‌ ಟ್ರಾನ್ಸ್‌ಮಿಷನ್‌ ಯುಟಿಲಿಟಿ ಮುಂತಾದ ವಿಭಾಗಗಳಲ್ಲಿ ಸೇವೆ ಸಲ್ಲಿಸಿದ ಅನುಭವವಿದೆ ಎಂದು ಸಂಸ್ಥೆ ತಿಳಿಸಿದೆ.