ಮೇವು ಹಗರಣ: ಇಂದು ತೀರ್ಪು

ಹೊಸದಿಲ್ಲಿ: ಬಹುಕೋಟಿ ಮೇವು ಹಗರಣಕ್ಕೆ ಸಂಬಂಧಿಸಿದಂತೆ ಸುಪ್ರೀಂಕೋರ್ಟ್‌ ಸೋಮವಾರ ತೀರ್ಪು ಪ್ರಕಟಿಸಲಿದೆ. ಈ ಸಂದರ್ಭದಲ್ಲಿ ಬಿಹಾರದ ಮಾಜಿ ಮುಖ್ಯಮಂತ್ರಿ ಲಾಲು ಪ್ರಸಾದ್‌ ಯಾದವ್‌ ವಿರುದ್ಧದ ಆರೋಪಗಳನ್ನು ಕೈಬಿಡಬೇಕೇ ಬೇಡವೇ ಎಂಬ ಬಗ್ಗೆ ನ್ಯಾಯಾಲಯ ನಿರ್ಧರಿಸಲಿದೆ. ಕಳೆದ ತಿಂಗಳ 20ರಂದು ನಡೆದಿದ್ದ ವಿಚಾರಣೆ ವೇಳೆ ಕೋರ್ಟ್‌ ಸಿಬಿಐ ಮತ್ತು ಇತರ ವಾದಿ-ಪ್ರತಿ ವಾದಿಗಳಿಗೆ ತಮ್ಮ ಅಭಿಪ್ರಾಯಗಳನ್ನು ಲಿಖೀತವಾಗಿ ಸಲ್ಲಿಸಲು ಸೂಚಿಸಿ, ತೀರ್ಪು ಕಾಯ್ದಿರಿಸಿತ್ತು. ಜಾರ್ಖಂಡ್‌ ಅನ್ನೂ ಒಳಗೊಂಡಿದ್ದ ಹಿಂದಿನ ಬಿಹಾರದ ಚೈಬಾಸಾ ಜಿಲ್ಲಾ ಖಜಾನೆಯಿಂದ 950 ಕೋಟಿ ರೂ.ಗಳನ್ನು ವಿತ್‌ಡ್ರಾ ಆರೋಪದಡಿಯಲ್ಲಿ ಲಾಲೂ ವಿರುದ್ಧ ಕೇಸು ದಾಖಲಿಸಲಾಗಿತ್ತು.