ಕುಲಾಂತರಿ ಸಾಸಿವೆ: ಕೇಂದ್ರ ಸರ್ಕಾರದ ಪ್ರತಿಕ್ರಿಯೆ ಕೋರಿದ ಸುಪ್ರೀಂ ಕೋರ್ಟ್‌

ನವದೆಹಲಿ: ಸಾಸಿವೆಯ ಕುಲಾಂತರಿ ತಳಿಯ ಬಿಡುಗಡೆಗೆ ನಿರ್ಬಂಧ ಹೇರುವಂತೆ ಕೋರಿ ಸಲ್ಲಿಕೆಯಾಗಿರುವ ಅರ್ಜಿಗೆ ಸಂಬಂಧಿಸಿ ಸುಪ್ರೀಂ ಕೋರ್ಟ್‌ ಕೇಂದ್ರ ಸರ್ಕಾರದ ಪ್ರತಿಕ್ರಿಯೆ ಕೋರಿದೆ.

ಜತೆಗೆ, ನ.10ರವರೆಗೆ ಈ ವಿಚಾರದಲ್ಲಿ ನಾವು ಯಾವುದೇ ಆತುರದ ನಿರ್ಧಾರ ಕೈಗೊಳ್ಳುವುದಿಲ್ಲ ಎಂದೂ ನ್ಯಾಯಾಲಯ ಸ್ಪಷ್ಟಪಡಿಸಿದೆ. ಜಿಎಂ ಸಾಸಿವೆಯ ಬಿಡುಗಡೆಗೆ ಕೇಂದ್ರ ಪರಿಸರ ಸಚಿವಾಲಯವು ಅನುಮತಿ ನೀಡಿ, ಕ್ಷೇತ್ರ ಪರೀಕ್ಷೆಗೆ ಒಪ್ಪಿದ ಬೆನ್ನಲ್ಲೇ ಈ ಬೆಳವಣಿಗೆ ನಡೆದಿದೆ.

ಸರ್ಕಾರದ ನಿರ್ಧಾರವನ್ನು ವಿರೋಧಿಸಿ ಜೀನ್‌ ಕ್ಯಾಂಪೇನ್‌ ಮತ್ತು ಅರುಣಾ ರೋಡ್ರಿಗಸ್‌ ನೇತೃತ್ವದ ಹೋರಾಟಗಾರರ ಸಮೂಹವು ಎರಡು ಸಾರ್ವಜನಿಕ ಹಿತಾಸಕ್ತಿ ಅರ್ಜಿಗಳನ್ನು ಸಲ್ಲಿಸಿದ್ದವು.