ಆಮ್ರಪಾಲಿ ಸಮೂಹದ CMD, ಇಬ್ಬರು ನಿರ್ದೇಶಕರ ಬಂಧನ: ಸುಪ್ರೀಂ ಅನುಮತಿ

ಹೊಸದಿಲ್ಲಿ : ಕ್ರಿಮಿನಲ್‌ ದೂರು ದಾಖಲಾಗಿರುವ ಕಾರಣ ಆಮ್ರಪಾಲಿ ಸಮೂಹದ CMD ಅನಿಲ್‌ ಶರ್ಮಾ ಮತ್ತು ಇನ್ನಿಬ್ಬರು ನಿರ್ದೇಶಕರನ್ನು ಈ ಕೂಡಲೇ ಬಂಧಿಸುವುದಕ್ಕೆ ಸವೋಚ್ಚ ನ್ಯಾಯಾಲಯಾ ಇಂದು ಗುರುವಾರ ದಿಲ್ಲಿ ಪೊಲೀಸರಿಗೆ ಅನುಮತಿ ನೀಡಿತು.

ಅನಿಲ್‌ ಶರ್ಮಾ ಮತ್ತು ಇನ್ನಿಬ್ಬರು ನಿರ್ದೇಶಕರ ಸ್ಥಿರಾಸ್ತಿಗಳನ್ನು ಕೂಡ ಮುಟ್ಟುಗೋಲು ಹಾಕಿಕೊಳ್ಳುವಂತೆ ಸುಪ್ರೀಂ ಕೋರ್ಟ್‌ ದಿಲ್ಲಿ ಪೊಲೀಸರಿಗೆ ಆದೇಶಿಸಿದೆ.

ಆಮ್ರಪಾಲಿ ನಿರ್ದೇಶಕರಾದ ಶಿವ ಪ್ರಿಯಾ ಮತ್ತು ಅಜಯ್‌ ಕುಮಾರ್‌ ಅವರನ್ನು ಈ ಕೇಸಿನಲ್ಲಿ ದಿಲ್ಲಿ ಪೊಲೀಸ್‌ ಆರ್ಥಿಕ ಅಪರಾಧಗಳ ವಿಭಾಗದ ಅಧಿಕಾರಿಗಳು ಬಂಧಿಸಬಹುದಾಗಿದೆ ಎಂದು ಜಸ್ಟಿಸ್‌ ಅರುಣ್‌ ಮಿಶ್ರ ಮತ್ತು ಜಸ್ಟಿಸ್‌ ಯು ಯು ಲಲಿತ್‌ ಅವರನ್ನು ಒಳಗೊಂಡ ಸುಪ್ರೀಂ ಕೋರ್ಟ್‌ ಪೀಠ ಹೇಳಿದೆ.