ಮೇ 9ಕ್ಕೆ ವಿಶ್ವಸಂಸ್ಥೆಯಲ್ಲಿ ಸದ್ಗುರು ಮಾತು 

ಹೊಸದಿಲ್ಲಿ: ಈಶ ಫೌಂಡೇಶನ್‌ ಸಂಸ್ಥಾಪಕರಾದ ಜಗ್ಗಿ ವಾಸುದೇವ ಅವರು, ವಿಶ್ವಸಂಸ್ಥೆ ವತಿಯಿಂದ ಮೇ 9ರಿಂದ 20ವರೆಗೆ ಆಯೋಜಿಸಲಾಗಿರುವ “ವಿಶ್ವಸಂಸ್ಥೆಯ ಮರುಭೂಮೀಕರಣ ತಡೆ’ ಕುರಿತ ಶೃಂಗಸಭೆಯಲ್ಲಿ ಪಾಲ್ಗೊಳ್ಳಲಿದ್ದಾರೆ.

195 ದೇಶಗಳ ಮುಖಂ ಡರು ಭಾಗವಹಿಸುತ್ತಿದ್ದಾರೆ. ಈ ಶೃಂಗ ಸಭೆಯ ಮೊದಲೆರಡು ದಿನಗಳಲ್ಲಿ ಅವರು ವಿವಿಧ ಮುಖಂಡರಲ್ಲಿ ಮಣ್ಣಿನ ಸಂರ ಕ್ಷಣೆಯ ಮಹತ್ವದ ಕುರಿತಂತೆ ಮಾತುಕತೆ ನಡೆಸಲಿದ್ದು, ಅಧಿವೇಶನವೊಂದರಲ್ಲಿ ಅವರು “ಭೂಮಿ, ಬದುಕು, ಪರಂಪರೆ: ಬರಗಾಲದಿಂದ ಸಮೃದ್ಧಿಯವರೆಗೆ’ ಎಂಬ ವಿಚಾರ ಕುರಿತಾಗಿ ಭಾಷಣ ಮಾಡಲಿದ್ದಾರೆ.

ಜಾಗತಿಕ ಮುಖಂಡರು, ವಿಜ್ಞಾನಿಗಳು, ಮಣ್ಣಿನ ತಜ್ಞರು ಮಣ್ಣನ್ನು ಉಳಿಸಲು ತುರ್ತು ನೀತಿ ಚಾಲಿತ ಕ್ರಮಗಳನ್ನು ಕೈಗೊಳ್ಳಬೇಕೆಂದು ಸದ್ಗುರು ಒತ್ತಾಯ ಮಾಡಲಿದ್ದಾರೆ.