ಯೆಮೆನ್‌ ಮೇಲೆ ಸೌದಿ ವಾಯುದಾಳಿ

ರಿಯಾದ್‌: ಕೆಲವೇ ದಿನಗಳ ಹಿಂದೆ ಸೌದಿ ಅರೇಬಿಯಾ ತೈಲ ಪೂರೈಕೆ ಮಾಡುವ ಪೈಪ್‌ಲೈನ್‌ಗಳ ಮೇಲೆ ದಾಳಿ ಮಾಡಿದ್ದಕ್ಕೆ ಪ್ರತೀಕಾರವಾಗಿ ಯೆಮೆನ್‌ ಹೌತಿ ಬಂಡುಕೋರರ ನೆಲೆಗಳ ಮೇಲೆ ಸೌದಿ ಅರೇಬಿಯಾ ದಾಳಿ ನಡೆಸಿದೆ. ಯೆಮೆನ್‌ ರಾಜಧಾನಿ ಸನಾದ ನಾಗರಿಕ ವಸತಿ ಪ್ರದೇಶದಲ್ಲೇ ವೈಮಾನಿಕ ದಾಳಿ ಮಾಡಲಾಗಿದೆ. ಹೀಗಾಗಿ ಒಬ್ಬ ಮಹಿಳೆ ಮತ್ತು ಮಗು ಸೇರಿ ಆರು ಜನರು ಸಾವನ್ನಪ್ಪಿದ್ದು, ಮೃತರ ಸಂಖ್ಯೆ ಹೆಚ್ಚಾಗುವ ಸಾಧ್ಯತೆ ಯಿದೆ. 50 ಕ್ಕೂ ಹೆಚ್ಚು ಜನ ಗಾಯಗೊಂಡಿದ್ದಾರೆ. ಒಟ್ಟು 19 ಕಡೆ ಬಂಡುಕೋರರ ನೆಲೆಯ ಮೇಲೆ ಕ್ಷಿಪಣಿ ದಾಳಿ ನಡೆದಿದೆ.

ಮಂಗಳವಾರ ಸೌದಿ ಅರೇಬಿಯಾದ ಅರಾಮ್‌ಕೋ ಕಂಪನಿಗೆ ಸೇರಿದ ಪೈಪ್‌ಲೈನ್‌ಗಳ ಮೇಲೆ ಡ್ರೋನ್‌ ಬಳಸಿ ದಾಳಿ ಮಾಡಲಾಗಿತ್ತು. ಇರಾನ್‌ ಬೆಂಬಲದ ಮೇರೆಗೆ ಯೆಮೆನ್‌ ಬಂಡುಕೋರರು ಈ ಕೃತ ಮಾಡಿದ್ದಾರೆ ಎಂದು ಹೇಳಲಾಗಿದೆ. ದಾಳಿಯಿಂದ ಪ್ರಮುಖ ಸ್ಥಳಗಳಿಗೆ ತೈಲ ಸರಬ ರಾಜು 2 ದಿನ ಸ್ಥಗಿತಗೊಂಡಿತ್ತು. ಈ ಪೈಪ್‌ಲೈನ್‌ಗಳು ಬಂದರುಗಳಿಗೆ ತೈಲವನ್ನು ಪೂರೈಸುತ್ತಿದ್ದು, ಇಲ್ಲಿಂದ ವಿಶ್ವದ ವಿವಿಧ ಭಾಗಗಳಿಗೆ ಸಾಗಣೆಯಾಗುತ್ತವೆ. ತೈಲ ವಹಿವಾಟಿಗೆ ಈಗಾಗಲೇ ಇರಾನ್‌ ಮೇಲೆ ಅಮೆರಿಕ ನಿಷೇಧ ಹೇರಿದ್ದರಿಂದಾಗಿ ಈ ಭಾಗದಲ್ಲಿ ಉದ್ವಿಗ್ನ ಸ್ಥಿತಿ ನಿರ್ಮಾಣವಾಗಿದೆ.