ಜಪಾನ್‌ ಟಿಟಿ ಲೀಗ್‌ನಲ್ಲಿ ಆಡಲಿರುವ ಸಥಿಯನ್‌

ಹೊಸದಿಲ್ಲಿ: ಜಿ. ಸಥಿಯನ್‌ ಜಪಾನ್‌ನಲ್ಲಿ ನಡೆಯಲಿರುವ ಪ್ರೀಮಿಯರ್‌ ಟೇಬಲ್‌ ಟೆನಿಸ್‌ ಲೀಗ್‌ನಲ್ಲಿ (ಟಿ-ಲೀಗ್‌) ಆಡಲಿರುವ ಭಾರತದ ಮೊದಲ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಅವರು ಪ್ರಬಲ ತಂಡವಾದ “ಒಕಾಯಾಮ ರಿವೆಟ್ಸ್‌’ ತಂಡವನ್ನು ಪ್ರತಿನಿಧಿಸಲಿದ್ದಾರೆ.

ಜರ್ಮನಿಯಲ್ಲಿ ಕಳೆದ ತಿಂಗಳು ನಡೆದಿದ್ದ ಎರಡೂ ಟಿಟಿ ಟೂರ್ನಿಗಳಲ್ಲಿ ಪ್ರಶಸ್ತಿ ಜಯಿಸಿದ ಸಾಧನೆಯಿಂದಾಗಿ ಸಥಿಯನ್‌ಗೆ ಟಿ-ಲೀಗ್‌ನಲ್ಲಿ ಪಾಲ್ಗೊಳ್ಳುವ ಅವಕಾಶ ಲಭ್ಯವಾಗಿದೆ. ಅವರು ಭಾರತದ ಅಗ್ರ ಶ್ರೇಯಾಂಕಿತ ಟಿಟಿ ಆಟಗಾರರೆಂಬ ಹಿರಿಮೆಯನ್ನೂ ಹೊಂದಿದ್ದಾರೆ.