ರಿಲೀಸ್ ಮುನ್ನವೆ ಭರ್ಜರಿ ಕಲೆಕ್ಷನ್|ಭಾರೀ ಮೊತ್ತಕ್ಕೆ ‘ಜೇಮ್ಸ್’ ಸ್ಯಾಟ್‍ಲೈಟ್‍ ರೈಟ್ಸ್ ಸೇಲ್

ಬೆಂಗಳೂರು : ಪವರ್ ಸ್ಟಾರ್ ಪುನೀತ್ ರಾಜಕುಮಾರ ಅವರು ಅಭಿನಯಿಸುತ್ತಿರುವ ‘ಜೇಮ್ಸ್’ ಸಿನಿಮಾ ಬಿಡುಗಡೆಯ ಮುನ್ನವೆ ಭಾರೀ ಗಳಿಕೆಯ ಸೂಚನೆ ನೀಡಿದೆ.

ಹೌದು, ಚೇತನ ಕುಮಾರ್ ಆ್ಯಕ್ಷನ್ ಕಟ್ ಹೇಳುತ್ತಿರುವ ಜೇಮ್ಸ್ ಸಿನಿಮಾ ಸ್ಯಾಂಡಲ್ವುಡ್ ನಲ್ಲಿ ಭಾರೀ ಹವಾ ಸೃಷ‍್ಟಿಸಿದೆ. ಇನ್ನೂ ಚಿತ್ರೀಕರಣದ ಹಂತದಲ್ಲಿರುವ ಈ ಚಿತ್ರದ ಮೇಲೆ ಕನ್ನಡದ ಸಿನಿ ಅಭಿಮಾನಿಗಳು ಬೆಟ್ಟದಷ್ಟು ನಿರೀಕ್ಷೆಯನ್ನಿಟ್ಟುಕೊಂಡಿದ್ದಾರೆ. ಬಹುತೇಕ ಚಿತ್ರೀಕರಣ ಮುಗಿಸಿಕೊಂಡು ಮಾತಿನ ಮನೆಗೆ ಹೋಗಲು ಸಿದ್ಧವಾಗಿರುವ ಈ ಚಿತ್ರದ ಸ್ಯಾಟ್ ಲೈಟ್ ರೈಟ್ಸ್ ಇದೀಗ ದೊಡ್ಡ ಮೊತ್ತಕ್ಕೆ ಮಾರಾಟವಾಗಿದೆ. ಮೂಲಗಳ ಪ್ರಕಾರ 15 ಕೋಟಿ ರೂ.ಗೆ ಹಕ್ಕುಗಳು ಮಾರಾಟವಾಗಿವೆಯಂತೆ. ಅದೇ ರೀತಿ ಹಿಂದಿ ಸೇರಿದಂತೆ ಬೇರೆ ಭಾಷೆಗೆ ಡಬ್ಬಿಂಗ್ ಹಕ್ಕುಗಳ ಮಾರಾಟದ ಮಾತುಕತೆ ನಡೆದಿದೆಯಂತೆ.

ಪಕ್ಕಾ ಆ್ಯಕ್ಷನ್ ಕಥಾ ಹಂದರದ ಈ ಚಿತ್ರವನ್ನು ಚೇತನ ಕುಮಾರ ಅವರು ನಿರ್ದೇಶನ ಮಾಡುತ್ತಿದ್ದಾರೆ. ಇದೆ ಮೊದಲ ಬಾರಿಗೆ ಪವರ್ ಸ್ಟಾರ್ ಪುನೀತ್ ರಾಜಕುಮಾರ್ ಅವರಿಗೆ ಚೇತನ್ ಆ್ಯಕ್ಷನ್ ಕಟ್ ಹೇಳುತ್ತಿದ್ದಾರೆ. ಮೆಕಾ ಶ್ರೀಕಾಂತ್, ಆದಿತ್ಯಾ ಮೆನೆನ್ ಅನು ಪ್ರಭಾಕರ್ , ರಂಗಾಯಣ ರಘು ಸೇರಿದಂತೆ ದೊಡ್ಡ ತಾರಾಬಳಗ ಜೇಮ್ಸ್ ಚಿತ್ರದಲ್ಲಿದೆ.

ಇನ್ನು ಪುನೀತ್ ರಾಜಕುಮಾರ್ ಅವರು ಯುವರತ್ನದ ಬಳಿಕ ಜೇಮ್ಸ್ ಚಿತ್ರದಲ್ಲಿ ಬ್ಯುಝಿಯಾದರು. ಇದರ ಜೊತೆಗೆ ಲೂಸಿಯಾ ಪವನ್ ನಿರ್ದೇಶನದ ‘ದ್ವಿತ್ವ’ , ದಿನಕರ ತುಗೂದೀಪ್ ನಿರ್ದೇಶನದಲ್ಲಿ ಇನ್ನೂ ಹೆಸರಿಡದ ಸಿನಿಮಾ ಹಾಗೂ ರಾಜಕುಮಾರ ಮತ್ತು ಯುವರತ್ನ ಖ್ಯಾತಿಯ ನಿರ್ದೇಶಕ ಸಂತೋಷ ಆನಂದರಾಮ್ ಅವರ ಜೊತೆ ಮೂರನೇ ಬಾರಿಗೆ ಮತ್ತೊಂದು ಹೊಸ ಸಿನಿಮಾ ಒಪ್ಪಿಕೊಂಡಿದ್ದಾರೆ ಪುನೀತ್.