ಸಂಘದ ಬಗ್ಗೆ ಮಾತಾಡುವುದು ಸರಿಯಲ್ಲ: ಜೊಲ್ಲೆ

ಬೆಂಗಳೂರು: ಸಂಘ ಪರಿವಾರ  ತ್ರಿವರ್ಣ ಧ್ವಜವನ್ನು ಒಪ್ಪಿಕೊಂಡಿಲ್ಲ ಎನ್ನುವ ಕಾಂಗ್ರೆಸ್‌ ಆರೋಪ ಸರಿಯಲ್ಲ ಎಂದು ಮುಜರಾಯಿ ಸಚಿವೆ ಶಶಿಕಲಾ ಜೊಲ್ಲೆ ಹೇಳಿದ್ದಾರೆ.

ಮಾಧ್ಯಮಗಳೊಂದಿಗೆ ಮಾತನಾಡಿದ ಅವರು, ಇದು ತಪ್ಪು ಭಾವನೆ,ಸಂಘ ಪರಿವಾರ ರಾಷ್ಟ್ರಾಭಿಮಾನವನ್ನು ಬೆಳಸಿಕೊಂಡಿದೆ. ದೇಶದ ಸುರಕ್ಷೆ ದೇಶಾಭಿಮಾನದಲ್ಲಿ  ಸಂಘ ಯಾವತ್ತಿಗೂ ಇರಲಿದೆ. ಸಂಘ ಯಾವತ್ತಿಗೂ ದೇಶದ ಅಭಿಮಾನದ ಪರವಾಗಿ ಇರಲಿದೆ. ಸಂಘದ ವಿರುದ್ಧವಾಗಿ ರಾಜಕಾರಣಿಗಳು ಮಾತನಾಡೋದು ಸರಿಯಲ್ಲ ಎಂದು ಹೇಳಿದರು.

ಸದನದಲ್ಲಿ ಗಲಾಟೆ ಮಾಡಿದವರನ್ನು ವಜಾ ಮಾಡುವುದಾದರೆ ಕಾಂಗ್ರೆಸ್‌ನವರನ್ನೇ ವಜಾ ಮಾಡಬೇಕು. ಪ್ರತಿಭಟನೆ ಮಾಡಲು ಕಾಂಗ್ರೆಸ್‌ ನವರಿಗೆ ನೈತಿಕತೆ ಇಲ್ಲ. ಜಮ್ಮು ಕಾಶ್ಮೀರದಲ್ಲಿ ಉಗ್ರರ ಸವಾಲು ಮೆಟ್ಟಿ ರಾಷ್ಟ್ರಧ್ವಜ ಹಾರಿಸಿದ್ದೇವೆ. ಈಗಿರುವ  ನಕಲಿ ಕಾಂಗ್ರೆಸ್‌ ಅಲ್ಪ ಸಂಖ್ಯಾತರ ಓಲೈಕೆಗೆ ಮುಂದಾಗಿದೆ. ಸದನಲ್ಲಿ ಕಾಂಗ್ರೆಸ್‌ನ ಗೂಂಡಾಗಿರಿ ಬಯಲಾಗಿದೆ. -ಆರ್‌. ಅಶೋಕ್‌, ಕಂದಾಯ ಸಚಿವ.