ಬೆಂಗಳೂರು: ರಕ್ಷಿತ್‌ ಶೆಟ್ಟಿ ಅವರ ʼಸಪ್ತ ಸಾಗರದಾಚೆ ಎಲ್ಲೋʼ ಸೈಡ್‌ -ಎ, ಬಿʼ ಕಳೆದ ವರ್ಷ ಪ್ರೇಕ್ಷಕರ ಗಮನ ಸೆಳೆದ ಸಿನಿಮಾಗಳು. ಲವ್‌ ಸ್ಟೋರಿ ಮಾದರಿಯ ಈ ಸಿನಿಮಾದಲ್ಲಿ ಸಿಂಪಲ್‌ ಸ್ಟಾರ್‌ ಅವರ ಅಭಿನಯ ಗಮನ ಸೆಳೆದಿತ್ತು.
ಮನು – ಪ್ರಿಯಾ ಅವರ ಪ್ರೇಮಕಥೆ ಥಿಯೇಟರ್‌ ನಲ್ಲಿ ಸದ್ದು ಮಾಡಿತ್ತು. ʼಸಪ್ತ ಸಾಗರದಾಚೆ ಎಲ್ಲೋʼ ಸೈಡ್‌ -ಎ ಸಿನಿಮಾ ʼಸೈಡ್‌ – ಬಿʼ ಗಿಂತ ಹೆಚ್ಚು ಗಮನ ಸೆಳೆದಿತ್ತು. ಥಿಯೇಟರ್‌ ನಲ್ಲಿ ತೆರಕಂಡ ಬಳಿಕ ಓಟಿಟಿಯಲ್ಲೂ ಸೈಡ್‌ ಎ ಹೆಚ್ಚು ಸದ್ದು ಮಾಡಿತ್ತು.
ʼಸೈಡ್‌-ಎʼ ಕನ್ನಡದ ಬಳಿಕ ತೆಲುಗಿನಲ್ಲೂ ಡಬ್‌ ಆಗಿ ಉತ್ತಮ ರೆಸ್ಪಾನ್ಸ್‌ ಪಡೆದುಕೊಂಡಿತ್ತು. ಇದಾದ ಬಳಿಕ ನವೆಂಬರ್‌ 17 ರಂದು ʼಸಪ್ತ ಸಾಗರದಾಚೆ ಎಲ್ಲೋʼ ಸೈಡ್‌ – ಬಿ ತೆರೆಕಂಡಿತ್ತು. ಆದರೆ ನಿರೀಕ್ಷೆಗಿಂತ ಸಿನಿಮಾ ಬಹುಬೇಗನೇ ಥಿಯೇಟರ್‌ ನಿಂದ ಮಾಯಾವಾಯಿತು. ಮೊದಲ ಭಾಗಕ್ಕೆ ಸಿಕ್ಕ ರೆಸ್ಪಾನ್ಸ್‌ ಎರಡನೇ ಭಾಗಕ್ಕೆ ಸಿಕ್ಕಿಲ್ಲ. ಜನವರಿ 26 ರಿಂದ ಅಮೇಜಾನ್‌ ಪ್ರೈಮ್‌ ನಲ್ಲಿ ಸಿನಿಮಾ ಸ್ಟ್ರೀಮ್‌ ಆಗುತ್ತಿತ್ತು.
ಇದನ್ನೂ ಓದಿ: Yuva Trailer: ಕೆಣಕಿದರೆ ಕೆಂಡ.. ಪಕ್ಕಾ ಲೋಕಲ್‌ ಆಗಿ ಆ್ಯಕ್ಷನ್ ಅವತಾರ ತಾಳಿದ ʼಯುವʼ
ಆದರೆ ಇದೀಗ ಅವರ ʼಸಪ್ತ ಸಾಗರದಾಚೆ ಎಲ್ಲೋʼ ಸೈಡ್‌ -ಬಿʼ ಸಿನಿಮಾ ದಿಢೀರನೇ ಓಟಿಟಿಯಿಂದ ಮಾಯಾವಾಗಿದೆ. ಕಳೆದ ಕೆಲ ದಿನದಂದ ಓಟಿಟಿಯಲ್ಲಿ ಸಿನಿಮಾವನ್ನು ಜನ ಹುಡುಕುತ್ತಿದ್ದಾರೆ. ಮೂಲಗಳ ಪ್ರಕಾರ ಸಣ್ಣ ಅವಧಿವರೆಗೆ ಮಾತ್ರ ಸಿನಿಮಾ ಸ್ಟ್ರೀಮಿಂಗ್‌ ಮಾಡಿಕೊಳ್ಳುವ ಒಪ್ಪಂದವನ್ನು ಮಾಡಿಕೊಳ್ಳಲಾಗಿತ್ತು ಎನ್ನಲಾಗಿದೆ. ಮುಂದೆ ಸಿನಿಮಾ ಜೀ5ಯಲ್ಲಿ ಸ್ಟ್ರೀಮ್‌ ಆಗಲಿದೆ ಎನ್ನಲಾಗಿದೆ.
ಆದರೆ ಈ ಬಗ್ಗೆ ಇದುವರೆಗೆ ಚಿತ್ರತಂಡ ಇದುವರೆಗೆ ಯಾವ ಮಾಹಿತಿಯನ್ನು ನೀಡಿಲ್ಲ.
