ಮುಂಬಯಿ, ಸೆ. 9: ಸಂಸ್ಕೃತವು ಉತ್ಸಾಹಭರಿತ, ಶಾಶ್ವತ ಮತ್ತು ಶಾಸ್ತ್ರೀಯ ಭಾಷೆಯಾಗಿದ್ದು, ಇದು ಪುನರುಜ್ಜೀವನಗೊಳಿಸುವ, ಪುನರ್ಯೌವನಗೊಳಿಸುವ ಮತ್ತು ಪುನರುತ್ಥಾನಗೊಳಿಸುವ ಸಾಮರ್ಥ್ಯವನ್ನು ಹೊಂದಿದೆ. ಸಂಸ್ಕೃತವನ್ನು ರಾಷ್ಟ್ರೀಯ ಭಾಷೆಯಾಗಿ ಸ್ಥಾಪಿಸಲು ಸಾಮೂಹಿಕ ಪ್ರಯತ್ನಗಳನ್ನು ಮಾಡಬೇಕೆಂದು ಎಂದು ಮಹಾರಾಷ್ಟ್ರ ರಾಜ್ಯ ಭಗತ್‌ ಸಿಂಗ್‌ ಕೋಶ್ಯಾರಿ ಅವರು ನುಡಿದರು.
ಮಂಗಳವಾರ ವಿಡಿಯೋ ಕಾನ್ಫರೆನ್ಸಿಂಗ್‌ ಮೂಲಕ ಕವಿ ಕುಲಗುರು ಕಾಳಿದಾಸ್‌ ಸಂಸ್ಕೃತ ವಿಶ್ವವಿದ್ಯಾಲಯದ 9 ನೇ ಸಮಾವೇಶದಲ್ಲಿ ರಾಜ್ಯಪಾಲರು ಮಾತನಾಡುತ್ತಿದ್ದರು. ಸಮಾವೇಶದಲ್ಲಿ ವಿಶೇಷ ಅತಿಥಿಯಾಗಿ ಭಾಗವಹಿಸಿದ್ದ ಯೋಗ ಗುರು ಬಾಬಾ ರಾಮದೇವ್‌ ಅವರು, ಸಂಸ್ಕೃತವು ಕೇವಲ ಭಾಷೆಯಲ್ಲ ಆದರೆ ಅದು ಸಂಸ್ಕೃತಿಯಾಗಿದೆ.
ಎಂಜಿನಿಯರಿಂಗ್‌, ಮೆಡಿಸಿನ್‌, ಕಾನೂನು, ನಿರ್ವಹಣೆ ಮತ್ತು ಇತರ ಹೊಳೆಗಳ ಜ್ಞಾನವನ್ನು ಸಂಸ್ಕೃತ ಭಾಷೆಯ ಮೂಲಕ ನೀಡಬೇಕೆಂದು ಅವರು ಕರೆ ನೀಡಿದರು. ಹೊಸ ಶಿಕ್ಷಣ ನೀತಿಯು ಸಂಸ್ಕೃತ ಭಾಷೆಯನ್ನು ಉತ್ತೇಜಿಸಲು ಹೊಸ ಒತ್ತು ನೀಡಿದೆ ಎಂದು ಪ್ರಸ್ತಾಪಿಸಿದ ಅವರು, ಸಂಸ್ಕೃತ ವಿಶ್ವವಿದ್ಯಾಲಯಕ್ಕೆ ದೇಶದ ಸಂಸ್ಕೃತ ಶಿಕ್ಷಕರ ಅಗತ್ಯತೆಗಳನ್ನು ಪೂರೈಸಲು ಉತ್ತಮ ಶಿಕ್ಷಕರನ್ನು ಉತ್ಪಾದಿಸುವಂತೆ ಮನವಿ ಮಾಡಿದರು.
ಕವಿಕುಲಗುರು ಕಾಳಿದಾಸ್‌ ಸಂಸ್ಕೃತ ವಿಶ್ವವಿದ್ಯಾಲಯದ ಸ್ಥಾಪಕ ಉಪಕುಲಪತಿ ಡಾ| ಪಂಕಜ್‌ ಚಂಡೆ ಮತ್ತು ಕೈವಲ್ಯಧಾನ್‌ ಯೋಗ ಸಂಸ್ಥೆಯ ಕಾರ್ಯದರ್ಶಿ ಓಂ ಪ್ರಕಾಶ್‌ ತಿವಾರಿ ಅವರಿಗೆ ಗೌರವ ಡಿ.ಲಿಟ್‌ ಪ್ರದಾನ ಮಾಡಲಾಯಿತು. ಈ ಸಂದರ್ಭದಲ್ಲಿ ಉಪಕುಲಪತಿ ಡಾ| ಶ್ರೀನಿವಾಸ್‌ ವರಖೇಡಿ, ಸಂಸ್ಕೃತ ವಿದ್ವಾಂಸರು ಮತ್ತು ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು.
