ಸ್ಯಾನಿಟರಿ ನ್ಯಾಪ್‌ಕಿನ್‌ ಜತೆ ವಿಲೇವಾರಿ ಚೀಲ ಕಡ್ಡಾಯ

ಪುಣೆ: 2021ರ ಜನವರಿಯಿಂದ ಸ್ಯಾನಿಟರಿ ನ್ಯಾಪ್‌ಕಿನ್‌ಗಳ ಜತೆಗೆ ಕಡ್ಡಾಯವಾಗಿ ವಿಲೇವಾರಿ ಚೀಲಗಳೂ ಲಭ್ಯವಾಗಲಿವೆ. ನ್ಯಾಪ್ಕಿನ್‌ಗಳ ಜತೆಗೆ ವಿಲೇವಾರಿಗೆ ಚೀಲಗಳನ್ನೂ ಕಡ್ಡಾಯವಾಗಿ ನೀಡುವಂತೆ ಸ್ಯಾನಿಟರಿ ನ್ಯಾಪ್ಕಿನ್‌ ತಯಾರಿಕಾ ಕಂಪೆನಿಗಳಿಗೆ ಸೂಚಿಸಲಾಗುವುದು ಎಂದು ಕೇಂದ್ರ ಪರಿಸರ ಸಚಿವ ಪ್ರಕಾಶ್‌ ಜಾವಡೇಕರ್‌ ಹೇಳಿದ್ದಾರೆ.

ಅಂತಾರಾಷ್ಟ್ರೀಯ ಮಹಿಳಾ ದಿನದ ಅಂಗವಾಗಿ ನಡೆದ ‘ಸ್ವಚ್ಛ ಸೇವಕ್‌’ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, ವಿಲೇವಾರಿ ಚೀಲಗಳನ್ನು ನೀಡುವ ಕುರಿತು ಈಗಾಗಲೇ ತಿಳಿಸಲಾಗಿದೆ. ಆದರೂ, ಕಂಪೆನಿಗಳು ನೀಡುತ್ತಿಲ್ಲ. ಹೀಗಾಗಿ ಮುಂದಿನ ವರ್ಷ ಜನವರಿಯಿಂದಲೇ ಸ್ಯಾನಿಟರಿ ನ್ಯಾಪ್‌ಕಿನ್‌ಗಳ ಜತೆಗೆ ವಿಲೇವಾರಿ ಚೀಲಗಳನ್ನೂ ಕಡ್ಡಾಯಗೊಳಿಸಲಾಗುವುದು ಎಂದಿದ್ದಾರೆ.