ಲಂಕೆಯಲ್ಲಿ ನಾಯಕಿಯರ ಹವಾ!

ಯೋಗಿ ನಟನೆಯ “ಲಂಕೆ’ ಚಿತ್ರ ನಿಧಾನವಾಗಿ ಸದ್ದು ಮಾಡುತ್ತಿದೆ. ಈ ಚಿತ್ರ ಮುಂದಿನ ವಾರ ತೆರೆಕಾಣುತ್ತಿದ್ದು, ಈಗಾಗಲೇ ಬಿಡುಗಡೆಯಾಗಿರುವ ಟ್ರೇಲರ್‌, ಹಾಡುಗಳಿಗೆ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಅಂದಹಾಗೆ, ಈ ಚಿತ್ರದಲ್ಲಿ ಯೋಗಿ ಜೊತೆ ಇಬ್ಬರು ನಾಯಕಿಯರಿದ್ದಾರೆ.

ಕೃಷಿ ತಾಪಂಡ ಹಾಗೂ ಕಾವ್ಯಾ ಶೆಟ್ಟಿ. ಇನ್ನು,ಕೃಷಿ ತಾಪಂಡ ಅವರನ್ನು ನಿರ್ದೇಶಕರು ಈ ಸಿನಿಮಾಕ್ಕೆ ಆಯ್ಕೆ ಮಾಡಿದ್ದು “ಬಿಗ್‌ಬಾಸ್‌’ ನೋಡಿಯಂತೆ. ಬಿಗ್‌ಬಾಸ್‌ನಲ್ಲಿಕೃಷಿ ಅವರನ್ನು ನೋಡಿದ ನಿರ್ದೇಶಕ ರಾಮ್‌ಪ್ರಸಾದ್‌ ಅವರಿಗೆ ತಮ್ಮ
ಸಿನಿಮಾದ ಪಾತ್ರಕ್ಕೆ ಈಕೆ ಹೇಳಿಮಾಡಿಸಿ ದಂತಿದೆ ಎನಿಸಿ ಕೃಷಿಯನ್ನು ಆಯ್ಕೆ ಮಾಡಿದ್ದಾರೆ. ಇನ್ನು, ಚಿತ್ರದ ಮತ್ತೂಂದು
ವಿಭಿನ್ನ ಪಾತ್ರದಲ್ಲಿಕಾವ್ಯಾ ಶೆಟ್ಟಿ ನಟಿಸಿದ್ದಾರೆ. ಚಿತ್ರದ ಬಗ್ಗೆ ಮಾತನಾಡುವ ಅವರು, “ಚಿತ್ರಕ್ಕೆ ಲಂಕೆ ಎಂದು ಟೈಟಲ್‌ ಇಡಲು ಒಂದುಕಾರಣವಿದೆ. ಚಿತ್ರದಲ್ಲಿನ ನಾಯಕ ಪಾತ್ರ ರಾಮ ಮತ್ತು ರಾವಣನನ್ನು ಹೋಲುತ್ತದೆ. ಹೀಗಾಗಿ ರಾಮನ ತೇಜಸ್ಸು, ರಾವಣನ ವರ್ಚಸ್ಸು ಇದೆ. ಸನ್ನಿವೇಶಕ್ಕೆ ತಕ್ಕಂತೆ ನಾಯಕನ ಪಾತ್ರ ಬದಲಾಗುತ್ತಾ ಸಾಗುತ್ತದೆ.

ಇದನ್ನೂ ಓದಿ :ಬೆಚ್ಚಗೆ ಕುಳಿತವರನ್ನು ಬೆಚ್ಚಿ ಬೀಳಿಸುವ ಗ್ರೂಫಿ

ಲೂಸ್‌ಮಾದ ಯೋಗಿ ಅವರ ಹಿಂದಿನ ಸಿನಿಮಾಗಳಿಗಿಂತ ಭಿನ್ನವಾಗಿರಬೇಕೆಂದು ಅವರಿಗೆ ಈ ಸಿನಿಮಾದಲ್ಲಿ ಸಾಕಷ್ಟು
ಬದಲಾವಣೆಕೂಡಾ ಮಾಡಿದ್ದೇವೆ. ಇಡೀ ಸಿನಿಮಾ ಕಲರ್‌ಫ‌ುಲ್‌ ಆಗಿದೆ’ ಎನ್ನುತ್ತಾರೆ ರಾಮ್‌ಪ್ರಸಾದ್‌.

ಸಾಹಸ ಪ್ರಧಾನಕಥಾಹಂದರ ಹೊಂದಿರುವ “ಲಂಕೆ’ ಚಿತ್ರವನ್ನು ರಾಮ್‌ ಪ್ರಸಾದ್‌ ಎಂ.ಡಿ ಕಥೆ, ಚಿತ್ರಕಥೆ ಬರೆದು
ನಿರ್ದೇಶಿಸಿದ್ದಾರೆ. “ದಿ ಗ್ರೇಟ್‌ ಎಂಟರ್‌ಟೈನರ್‌’ ಬ್ಯಾನರ್‌ ನಲ್ಲಿ ಪಟೇಲ್‌ ಶ್ರೀನಿವಾಸ್‌(ನಾಗವಾರ) ಹಾಗೂ ಸುರೇಖ
ರಾಮಪ್ರಸಾದ್‌ಈಚಿತ್ರವನ್ನು ನಿರ್ಮಿಸಿದ್ದಾರೆ.