ಕೋವಿಡ್ ಜಾಗೃತಿ ವಿಡಿಯೋದಲ್ಲಿ ಸ್ಯಾಂಡಲ್ ವುಡ್ ನಟ ಪುನೀತ್‌

ನವದೆಹಲಿ: ಕೊರೊನಾ ಮಣಿಸುವಲ್ಲಿ ದೇಶದ ಜನತೆಯಲ್ಲಿ ಆತ್ಮವಿಶ್ವಾಸ ತುಂಬುವ ಸಲುವಾಗಿ, ವಿಡಿಯೋ ತುಣುಕೊಂದರ ಮೂಲಕ ಜನಜಾಗೃತಿ ಮೂಡಿಸುವ ವಿಭಿನ್ನ ಪ್ರಯತ್ನಕ್ಕೆ ಭಾರತೀಯ ವಾಣಿಜ್ಯ ಮತ್ತು ಕೈಗಾರಿಕಾ ಒಕ್ಕೂಟ(ಫಿಕ್ಕಿ) ಕೈ ಹಾಕಿದೆ. ಕನ್ನಡ, ಹಿಂದಿ, ಮರಾಠಿ, ಪಂಜಾಬಿ, ತಮಿಳು, ತೆಲುಗು ಭಾಷೆಗಳಲ್ಲಿ ಈ ವಿಡಿಯೋ ನಿರ್ಮಿಸಲಾಗಿದ್ದು ಆಯಾ ಭಾಷೆಯ ವಿಡಿಯೋಗಳಲ್ಲಿ ಸ್ಥಳೀಯ ಖ್ಯಾತ ಕಲಾವಿದರು ನಟಿಸಿದ್ದಾರೆ. ಕನ್ನಡದ ಅವತರಣಿಕೆಯಲ್ಲಿ ನಟ ಪುನೀತ್‌ ರಾಜ್‌ಕುಮಾರ್‌ ಕಾಣಿಸಿಕೊಂಡಿದ್ದಾರೆ.

ಹಿಂದಿಯಲ್ಲಿ ಇದಕ್ಕೆ “ಹರ್‌ ಘರ್‌ ಮೇ ಥಾನಾ ಹೇ, ಕೊರೊನಾ ಕೋ ಹರಾನಾ ಹೇ’ ಎಂಬ ಧ್ಯೇಯ ವಾಕ್ಯದಡಿ ಈ ವಿಡಿಯೋ ತಯಾರಾಗಿದ್ದು, ಇದರಲ್ಲಿ ನಟಿಸಿರುವ ಕಲಾವಿದರು ಈ ವಾಕ್ಯವನ್ನು ಹೈಲೈಟ್‌ ಮಾಡುವ ಮೂಲಕ ಜನರಲ್ಲಿ ಜಾಗೃತಿ ಮೂಡಿಸುತ್ತಿದ್ದಾರೆ. ಹಿಂದಿ, ಮರಾಠಿ ಹಾಗೂ ಪಂಜಾಬಿ ಭಾಷೆಗಳ ವಿಡಿಯೋದಲ್ಲಿ ಅಕ್ಷಯ್‌ ಕುಮಾರ್‌ ನಟಿಸಿದ್ದು, ತಮಿಳು ಅವತರಣಿಕೆಯಲ್ಲಿ ಆರ್ಯ, ತೆಲುಗಿನಲ್ಲಿ ಚಿರಂಜೀವಿ ಅಭಿನಯಿಲಿದ್ದಾರೆ. ಈ ವಿಡಿಯೋಗಳು ಮುದ್ರಣ ಮಾಧ್ಯಮ, ಟಿವಿ, ರೇಡಿಯೋ ಹಾಗೂ ಡಿಜಿಟಲ್‌ ಮಾಧ್ಯಮಗಳಲ್ಲಿ ಪ್ರಸಾರವಾಗಲಿದೆ.

ಇದನ್ನೂ ಓದಿ :ಉಡುಪಿ ಜಿಲ್ಲೆಯಲ್ಲಿ ಜೂ.14ರ ವರೆಗೆ ಮದುವೆ ಸಮಾರಂಭ ನಿಷೇಧ : ಜಿಲ್ಲಾಧಿಕಾರಿ

ದ ಫೆಡರೇಷನ್‌ ಆಫ್ ಇಂಡಿಯನ್‌ ಚೇಂಬರ್‌ ಆಫ್ ಕಾಮರ್ಸ್‌ ಆ್ಯಂಡ್‌ ಇಂಡಸ್ಟ್ರಿ (ಎಫ್ಸಿಸಿಐ) ಪರಿಕಲ್ಪನೆಯ ಈ ವಿಡಿಯೋ ಜಾಗೃತಿಗೆ ಇಂಡಿಯನ್‌ ಬ್ರಾಡ್‌ಕಾಸ್ಟಿಂಗ್‌ ಫೌಂಡೇಷನ್‌ (ಐಬಿಎಫ್), ಇಂಡಿಯನ್‌ ಅಡ್ವಟೈಸಿಂಗ್‌ ಅಸೋಸಿಯೇಷನ್‌ ಕೈ ಜೋಡಿಸಿವೆ.