ಚೀನದಿಂದ ಭಾರತಕ್ಕೆ ಸ್ಯಾಮ್ಸಂಗ್‌ ಸ್ಥಳಾಂತರ ಪೂರ್ಣ

ಹೊಸದಿಲ್ಲಿ: ಎಲೆಕ್ಟ್ರಾನಿಕ್ಸ್‌ ಉತ್ಪನ್ನಗಳ ದೈತ್ಯ ಸ್ಯಾಮ್ಸಂಗ್‌ ಉತ್ತರ ಪ್ರದೇಶದ ನೊಯ್ಡಾದಲ್ಲಿ ತನ್ನ ಡಿಸ್‌ಪ್ಲೇ ತಯಾರಿ ಘಟಕದ ನಿರ್ಮಾಣ ಕಾರ್ಯವನ್ನು ಪೂರೈಸಿದ್ದು, ಸದ್ಯವೇ ಉತ್ಪಾದನೆ ಆರಂಭಿಸುವ ನಿರೀಕ್ಷೆಯಿದೆ.

ಹಿಂದೆ ಈ ಘಟಕ ಚೀನದಲ್ಲಿ ಕಾರ್ಯಾಚರಿಸುತ್ತಿತ್ತು. ಈ ಸಂಬಂಧ ಸ್ಯಾಮ್ಸಂಗ್‌ನ ನೈಋತ್ಯ ಏಶ್ಯಾ ಅಧ್ಯಕ್ಷ ಮತ್ತು ಸಿಇಒ ಕೆನ್‌ ಕಾಂಗ್‌ ನೇತೃತ್ವದ ನಿಯೋಗವು ಉತ್ತರ ಪ್ರದೇಶದ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್‌ ಅವರನ್ನು ರವಿವಾರ ಭೇಟಿ ಮಾಡಿ ಮಾತುಕತೆ ನಡೆಸಿದೆ.

ಭಾರತದ ಉತ್ತಮ ಔದ್ಯಮಿಕ ಪರಿಸರ, ಹೂಡಿಕೆದಾರ ಸ್ನೇಹಿ ನೀತಿಗಳಿಂದಾಗಿ ಡಿಸ್‌ಪ್ಲೇ ಉತ್ಪಾದನೆ ಘಟಕವನ್ನು ಚೀನದಿಂದ ನೊಯ್ಡಾಕ್ಕೆ ಸ್ಥಳಾಂತರಿಸಿರುವುದಾಗಿ ಸ್ಯಾಮ್ಸಂಗ್‌ ತಿಳಿಸಿದೆ.