ವಿಮಾನ ನಿಲ್ದಾಣಕ್ಕೆ ಬಂದ ಯೋಧನ‌ ಪ್ರಾರ್ಥಿವ ಶರೀರಕ್ಕೆ ಗೌರವ ವಂದನೆ

ಬೆಳಗಾವಿ: ಸೈನ್ಯದಲ್ಲಿ ಅಸಹಜ ಸಾವನ್ನಪ್ಪಿದ ಸಿಆರ್ ಪಿಎಫ್ ಯೋಧ ಹವಾಲ್ದಾರ ಮಾರುತಿ ಅವರ ಪ್ರಾರ್ಥಿವ ಶರೀರವನ್ನು ಗುರುವಾರ ಸಂಜೆ ಬೆಳಗಾವಿ ವಿಮಾನ ನಿಲ್ದಾಣಕ್ಕೆ ತಂದು ಮಹಾರಾಷ್ಟ್ರದ ಮಿರಜ್ ಗೆ ಕಳುಹಿಸಲಾಯಿತು.

ಮರಾಠಾ ಲಘು ಪದಾತಿ ದಳ ರೆಜಿಮೆಂಟ್ ನ ಯೋಧ ಹವಾಲ್ದಾರ ಮಾರುತಿ ಅವರು ಸಾವನ್ನಪ್ಪಿದ್ದರು. ಲಖನೌದಿಂದ ವಿಶೇಷ ವಿಮಾನದಲ್ಲಿ ಬೆಳಗಾವಿ ವಿಮಾನ ನಿಲ್ದಾಣಕ್ಕೆ ಕರೆ ತರಲಾಗಿತ್ತು. ನಂತರ ನೇರವಾಗಿ ರಸ್ತೆ ಮೂಲಕ ಮಿರಜ್ ಗೆ ಮಿಲಿಟರಿ ಯೋಧರು ತೆಗೆದುಕೊಂಡು ಹೋದರು.

ಎಂಎಲ್ ಐಆರ್ ಸಿ ರೆಜಿಮೆಂಟ್ ನ ಅಧಿಕಾರಿಗಳು ಹಾಗೂ ಸೈನಿಕರು ವಿಮಾನ ನಿಲ್ದಾಣದಲ್ಲಿ ಪ್ರಾರ್ಥಿವ ಶರೀರಕ್ಕೆ ಗೌರವ ಸಲ್ಲಿಸಿದರು. ಬಳಿಕ ಮಿಲಿಟರಿ ವಾಹನದಲ್ಲಿ ಮಿರಜ್ ಗೆ ಕೊಂಡೊಯ್ದರು.