Puttur: ಪ್ರಾಥಮಿಕ ಶಾಲಾ ಅತಿಥಿ ಶಿಕ್ಷಕರ ಖಾತೆಗೆ ಸಂಬಳ ಜಮೆ

ಪುತ್ತೂರು: ನಾಲ್ಕು ತಿಂಗಳು ಗಳಿಂದ ಸಂಬಳಕ್ಕಾಗಿ ಕಾಯುತ್ತಿರುವ ಸರಕಾರಿ ಪ್ರಾಥಮಿಕ ಶಾಲೆಯ ಅತಿಥಿ ಶಿಕ್ಷಕರಿಗೆ ಖುಷಿ ಕೊಡುವ ಸಂಗತಿ. ಅವರ ಖಾತೆಗೆ ಕೊನೆಗೂ ಸಂಬಳ ಜಮೆ ಆರಂಭ ವಾಗಿದೆ.

“ದಸರಾ: ಅತಿಥಿ ಶಿಕ್ಷಕರಿಗಿಲ್ಲ ಸಂಭ್ರಮ’ ಎಂಬ ಶೀರ್ಷಿಕೆಯಡಿ ಅ.9ರಂದು ಉದಯವಾಣಿ ವರದಿ ಪ್ರಕಟಿ ಸಿತ್ತು. ಪುತ್ತೂರು, ಸುಳ್ಯ, ಬೆಳ್ತಂಗಡಿ ಸಹಿತ ಕೆಲವು ತಾಲೂಕಿನವರರಿಗೆ ಅ.10 ರಂದು ಸಂಬಳ ಜಮೆ ಆಗಿರುವ ಬಗ್ಗೆ ಅತಿಥಿ ಶಿಕ್ಷಕರು ಮಾಹಿತಿ ನೀಡಿದ್ದಾರೆ.

ಬಂಟ್ವಾಳ ತಾಲೂಕಿನವರಿಗೆ ಮುಂದಿನ ಸೋಮವಾರ ಸಂಬಳ ಪಾವತಿ ಆಗಲಿದೆ ಅನ್ನುವ ಮಾಹಿತಿಯನ್ನು ಶಿಕ್ಷಣ ಇಲಾಖೆ ನೀಡಿದೆ.

ಪ್ರೌಢಶಾಲಾ ಶಿಕ್ಷಕರಿಗಿಲ್ಲ
ಸರಕಾರಿ ಪ್ರೌಢಶಾಲಾ ಅತಿಥಿ ಶಿಕ್ಷಕರಿಗೆ ಅ.10ರ ಸಂಜೆ ತನಕ ಸಂಬಳ ಪಾವತಿ ಆಗಿಲ್ಲ ಎಂದು ಶಿಕ್ಷಕರು ಮಾಹಿತಿ ನೀಡಿದ್ದಾರೆ.