ಕಲಾಂಗೆ ಸಲಾಂ 27ಕ್ಕೆ

ಬೆಂಗಳೂರು: ಸಾಹಿತಿ ಮತ್ತು ಕಲಾವಿದರ ವೇದಿಕೆ ವತಿಯಿಂದ ಜು.27ರಂದು ಬೆಳಗ್ಗೆ 10.30ಕ್ಕೆ ರವೀಂದ್ರ ಕಲಾಕ್ಷೇತ್ರದಲ್ಲಿ ಭಾರತ ರತ್ನ ಎಪಿಜೆ ಅಬ್ದುಲ್‌ ಕಲಾಂ ಅವರ ಸ್ಮರಣೆ “ಪೂಜ್ಯ ಕಲಾಂ ನಿಮಗಿದೋ ಸಲಾಂ’ ಕಾರ್ಯಕ್ರಮ ನಡೆಯಲಿದೆ.

ಕಲಾಂ ಅವರು ತಮ್ಮ ಜೀವಿತಾವಧಿಯಲ್ಲಿ ರಚಿಸಿದ ಕೊನೆಯ ಪುಸ್ತಕ “ಮಹತ್ವದ ಮಾರ್ಗಗಳು’ ಬಿಡುಗಡೆ ಹಾಗೂ ದಾವಣಗೆರೆಯ ಅನ್ವೇಷಕರು ಆರ್ಟ್‌ ಫೌಂಡೇಷನ್‌ ಅರ್ಪಿಸುವ ನಾಟಕ “ಕನಸುಗಾರ ಕಲಾಂ’ ಪ್ರದರ್ಶನ ನಡೆಯಲಿದೆ. ಚಲನಚಿತ್ರ ನಟ ರಮೇಶ್‌ ಅರವಿಂದ್‌ ಕಾರ್ಯಕ್ರಮ ಉದ್ಘಾಟಿಸುವರು.

ನಿವೃತ್ತ ಹೆಚ್ಚುವರಿ ಮುಖ್ಯಕಾರ್ಯದರ್ಶಿ ಚಿರಂಜೀವಿ ಸಿಂಗ್‌ ಕೃತಿ ಬಿಡುಗಡೆ ಮಾಡುವರು. ಅತಿಥಿಗಳಾಗಿ ಶಾಸಕ ಮೋಹನ್‌ ಕೊಂಡಜ್ಜಿ, ಕರ್ನಾಟಕ ಉರ್ದು ಅಕಾಡೆಮಿ ಮಾಜಿ ಅಧ್ಯಕ್ಷ ಅಜೀಝುಲ್ಲಾಬೇಗ್‌, ದಕ್ಷಿಣ ಮಧ್ಯ ವಲಯ ಸಾಂಸ್ಕೃತಿಕ ಕೇಂದ್ರದ ಸದಸ್ಯ ರವೀಂದ್ರನಥ್‌ ಸಿರಿವರ ಮತ್ತಿರರು ಭಾಗವಹಿಸಲಿದ್ದಾರೆ.