ಸೈನಾಗೆ 4ನೇ ಬಾರಿ ರಾಷ್ಟ್ರೀಯ ಬ್ಯಾಡ್ಮಿಂಟನ್‌ ಪ್ರಶಸ್ತಿ; ಸಿಂಧು ಸೋಲು

ಹೊಸದಿಲ್ಲಿ : ಭಾರತೀಯ ಬ್ಯಾಡ್ಮಿಂಟನ್‌ ತಾರೆ ಸೈನಾ ನೆಹವಾಲ್‌ ಅವರಿಂದು ಶನಿವಾರ ತನ್ನ ಪ್ರಬಲ ಎದುರಾಳಿ ಪಿ ವಿ ಸಿಂಧು ಅವರನ್ನು ಪರಾಭವಗೊಳಿಸಿ 83ನೇ ಹಿರಿಯರ ರಾಷ್ಟ್ರೀಯ ಬ್ಯಾಡ್ಮಿಂಟನ್‌ ಪ್ರಶಸ್ತಿಯನ್ನು ನಾಲ್ಕನೇ ಬಾರಿಗೆ ಗೆದ್ದುಕೊಂಡರು. 

28ರ ಹರೆಯದ ಸೈನಾ ಅವರು ಈ ಹಿಂದೆ 2006, 2007 ಮತ್ತು 2018ರಲ್ಲಿ ಈ ರಾಷ್ಟ್ರೀಯ ಪ್ರಶಸ್ತಿಯನ್ನು ಗೆದ್ದುಕೊಂಡಿದ್ದರು. ಇಂದಿನ ಫೈನಲ್‌ ಪಂದ್ಯದಲ್ಲಿ ಸೈನಾ ಅವರು ಪಿ ವಿ ಸಿಂಧು ಅವರನ್ನು 21-18, 21-15 ಸೆಟ್ಟುಗಳ ಅಂತರದಲ್ಲಿ ಸೋಲಿಸಿದರು. 

ಸಿಂಧು ಅವರು ಈ ಹಿಂದೆ 2011 ಮತ್ತು 2013ರಲ್ಲಿ  ಒಟ್ಟು ಎರಡು ಬಾರಿ ಈ ಪ್ರಶಸ್ತಿಯನ್ನು ಗೆದ್ದುಕೊಂಡಿದ್ದರು. ಇಂದು ಮೂರನೇ ಬಾರಿ ಈ ಪ್ರಶಸ್ತಿಯನ್ನು ಗೆದ್ದು ಸೈನಾ ಸಾಧನೆಯನ್ನು ಸರಿಗಟ್ಟುವಲ್ಲಿ ತನಗೆ ದೊರಕಿದ್ದ ಸುವರ್ಣಾವಕಾಶ ನಷ್ಟವಾದುದಕ್ಕೆ ಸಿಂಧುಗೆ ನಿರಾಶೆಯಾಯಿತು.