Sabarimala: ವೀಡಿಯೋ ಚಿತ್ರೀಕರಣಕ್ಕೆ ನಿಯಂತ್ರಣ

ಶಬರಿಮಲೆ: ಶಬರಿಮಲೆಗೆ ಮೊಬೈಲ್‌ ಫೋನ್‌ ತರುವುದನ್ನು ತಡೆಯಲಾಗಿದ್ದರೂ, ಸೋಪಾನದಲ್ಲಿ ಗರ್ಭಗುಡಿಯ ಮುಂದೆ ಭಕ್ತರು ಮೊಬೈಲ್‌ ಚಿತ್ರೀಕರಿಸುವುದನ್ನು ನಿಯಂತ್ರಿಸಬೇಕೆಂದು ಹೈಕೋರ್ಟ್‌ ತಿಳಿಸಿದೆ.

ಹದಿನೆಂಟು ಮೆಟ್ಟಲಿನಲ್ಲಿ ಪೊಲೀಸರು ಅಯ್ಯಪ್ಪನಿಗೆ ಬೆನ್ನು ಹಾಕಿ ನಿಂತು ಫೋಟೋ ತೆಗೆದಿರುವ ಬಗ್ಗೆ ನ್ಯಾಯಾಲಯ ವರದಿ ಕೇಳಿದೆ. ಪೊಲೀಸರ ಸೇವೆ ಇಲ್ಲಿ ಸ್ತುತ್ಯಾರ್ಹವಾಗಿದ್ದರೂ, ಈ ರೀತಿಯಲ್ಲಿ ವ್ಯವಹರಿಸುವುದು ಸೂಕ್ತವಲ್ಲ ಎಂದು ಜಸ್ಟೀಸ್‌ ಅನಿಲ್‌ ಕೆ. ನರೇಂದ್ರನ್‌ ಹಾಗೂ ಜಸ್ಟೀಸ್‌ ಎಸ್‌. ಮುರಳೀಕೃಷ್ಣ ಅವರನ್ನು ಒಳಗೊಂಡ ಪೀಠ ಅಭಿಪ್ರಾಯಪಟ್ಟಿದೆ.