ಕೋವಿಡ್-19 ಸಮರ್ಥವಾಗಿ ಎದುರಿಸಲು 4ನೇ ಹಂತದ ಲಾಕ್ ಡೌನ್ ಅನಿವಾರ್ಯವೇ ?

ಮಣಿಪಾಲ: ರಾಜ್ಯ ಹಾಗೂ ದೇಶದಲ್ಲಿ ಕೋವಿಡ್ ಸಮರ್ಥವಾಗಿ ಎದುರಿಸಲು 4ನೇ ಹಂತದ ಲಾಕ್ ಡೌನ್ ಅನಿವಾರ್ಯವೇ ಎಂದು ಉದಯವಾಣಿ ಕೇಳಿತ್ತು. ಆಯ್ದ ಅಭಿಪ್ರಾಯಗಳು ಇಲ್ಲಿದೆ.

ಮುನಿ ಎಲ್ ಕಡಬೂರ: ಭಾರತ ದೇಶ ಈಗ ಉಭಯ ಸಂಕಷ್ಟದಲ್ಲಿ ಸಿಲುಕಿದಂತೆ ಕಾಣುತ್ತಿದೆ ಒಂದೆಡೆ ಸೋಂಕು ನಿಯಂತ್ರಣಕ್ಕೆ ಲಾಕ್ ಡೌನ್ ಅನಿವಾರ್ಯ ಆದರೆ ಸಾಮಾನ್ಯ ಜನಜೀವನ ಜೊತೆಗೆ ಆರ್ಥಿಕತೆಯ ಸಬಲತೆಗೆ ಸಡಿಲಿಕೆಯೂ ತೀರಾ ಅವಶ್ಯಕವಾಗಿದೆ.ಹೀಗಾಗಿ ಈ ದೊಡ್ಡ ಸವಾಲಿನ ನಡುವೆಯೇ ಬದುಕು ಕಟ್ಟಿ ಕೊಳ್ಳುವುದು ಅನಿವಾರ್ಯವಾಗಿದೆ.

ಚಂದ್ರಶೇಖರ್ : ಯಾವುದೇ ಉಪಯೋಗವಿಲ್ಲ. ನಮ್ಮ ಜನ ಅರ್ಥ ಮಾಡ್ಕೊಂಬೇಕು

ಸುಭಾಶ್ ಚಂದ್ರ ಕೋಟ್ಯಾನ್:  ಹೌದು, ಜಾಸ್ತಿ ಆಗುವ ಸಂಭವ ಹೆಚ್ಚು ಇದೆ

ಚಂದ್ರಶೇಖರ್:  ಏನ್ ಲಾಕ್ ಡೌನ್ ಮಾಡ್ತೀರಾ ಗೊತ್ತಿಲ್ಲ ಒಂದು ತಿಂಗಳಿಂದ ನಮಗೆ ಸಂಬಳ ಕೊಟ್ಟಿಲ್ಲ ಗಾರ್ಮೆಂಟ್ಸ್ ಗಳಲ್ಲಿ ಟಾರ್ಚರ್ ಜಾಸ್ತಿ ಕೊಡ್ತಾರೆ ಅಂದ್ರೆ ಕೆಲಸದಿಂದ ಕಿತ್ತು ಹಾಕುತ್ತಾರೆ . ಯಾವುದು ಹಾಕಬೇಡ ಹಣೆಬರಹ ಹೆಂಗೆ ಆಗುತ್ತೆ ಆಗಲಿ ಬಿಡಿ

ಮಹೇಶ್:  ಕೆಲವು ಜನ ಮಾಡ್ತಿರೋ ತಪ್ಪಿಗೆ, ಸಂಕಷ್ಟವಿದ್ದರೂ ಸ್ವಹಿತ ಮತ್ತು ಸರ್ಕಾರದ ಆದೇಶಗಳನ್ನು ತಪ್ಪದೆ ಪಾಲಿಸಿಕೊಂಡು ಬರುತ್ತಿರುವವರಿಗೆ ಕಾನೂನು ಹೇರುವುದು ಎಷ್ಟರಮಟ್ಟಿಗೆ ಸರಿ. ನಾವೂ ಲಾಕ್ ಡೌನ್ ಮಾಡ್ಕೊಂಡ್ ಸಾಯಿತೀವಿ ಮನೆಯಲ್ಲಿ. ಉಳಿದವರು ಲಾಕ್ ಡೌನ್ ಪಾಲಿಸದೆ ಸ್ವೇಚ್ಚಚಾರವಾಗಿ ಓಡಾಡಿಕೊಂಡು ಹಬ್ಬಿಸಲಿ, ಇದ್ಯಾವ ನ್ಯಾಯ ಸ್ವಾಮಿ. ನೋ ಲಾಕ್ ಡೌನ್ ಬೇಡ ಆದಿದ್ದು ಆಗಲಿ,

ಅಜಯ್ ಕುಮಾರ್ ಎಸ್:  ಲಾಕ್ ಡೌನ್ ಮುಂದುವರಿಕೆ….ಈ ಪದ ಕೇಳಿದ ಕೂಡಲೇ ಭಯ ಆಗುತ್ತೆ ನಾವು ಕೆಲಸ ಕಳೆದು ಕೊಂಡು 2 ತಿಂಗಳು ಆಯ್ತು ಹೇಗೋ ಜೀವನ ನಡಿತಾ ಇದೆ ಆದರೆ ತೀರಾ ತಳಮಟ್ಟದಲ್ಲಿ ಇರುವ ಜನರು ಹೇಗೆ ಜೀವನ ಸಾಗಿಸಬೇಕು ಇನ್ನೂ ಇದು ಹೀಗೆ ಮುಂದುವರದರೆ ನಮ್ಮಂತ ದಿನಗೂಲಿ ನೌಕರರು ಹಸಿವಿನಿಂದ ಸಾಯಬೇಕು ಅಷ್ಟೇ.