Advertisement
ಪಟ್ಟಣದ ಹೊರ ವಲಯದ ಘನತ್ಯಾಜ್ಯ ವಿಲೇವಾರಿ ಘಟಕದಲ್ಲಿ ಪುರಸಭೆಯು 2011-12ರಲ್ಲಿಯೇ ರೂ. 8 ಲಕ್ಷ ಖರ್ಚು ಮಾಡಿ, ಗೊಬ್ಬರ ತಯಾರಿಸುವ ಯಂತ್ರಗಳನ್ನು ಖರೀದಿಸಲಾಗಿತ್ತು. ಆದರೆ ಸಾವಯುವ ಜೈವಿಕ ಗೊಬ್ಬರದ ಬಗೆಗೆ ರೈತರಲ್ಲಿ ಜಾಗೃತಿ ಮೂಡಿಸುವಲ್ಲಿ ಹಿನ್ನಡೆಯಾದ ಪರಿಣಾಮ ಗಜೇಂದ್ರ ಗೋಲ್ಡ್‌ ಗೊಬ್ಬರ ಕೇಳ್ಳೋರಿಲ್ಲದಂತಾಗಿದೆ. ಹೀಗಾಗಿ ಯಂತ್ರಗಳು ಕಾರ್ಯನಿರ್ವಹಿಸದೇ ಮೂಲೆ ಸೇರಿವೆ.
Related Articles
Advertisement
ತುಕ್ಕು ಹಿಡಿಯುತ್ತಿವೆ ಯಂತ್ರಗಳು: ಪುರಸಭೆ ಲಕ್ಷಾಂತರ ರೂಪಾಯಿ ವ್ಯಯಿಸಿ ಗೊಬ್ಬರ ತಯಾರಿಕೆಯ ಯಂತ್ರಗಳನ್ನು ಅಳವಡಿಸಿದ್ದಾರೆ. ಆದರೆ ಯಂತ್ರಗಳು ಕೆಲವೇ ವರ್ಷಗಳ ಕಾಲ ಕಾರ್ಯ ನಿರ್ವಹಿಸಿರುವುದನ್ನು ಹೊರತು ಪಡಿಸಿದರೆ, ಬಹುತೇಕ ವರ್ಷಗಳು ಯಂತ್ರ ಸ್ಥಗಿತಗೊಂಡಿದ್ದೆ ಹೆಚ್ಚಾಗಿದೆ. ಹೀಗಾಗಿ ಬಳಕೆ ಕಡಿಮೆಯಾಗಿದ್ದರಿಂದ ಯಂತ್ರಗಳು ತುಕ್ಕು ಹಿಡಿಯುವ ಸ್ಥಿತಿಗೆ ಬಂದೋದಗಿದೆ.
ಪುರಸಭೆಯ ಇಚ್ಛಾಶಕ್ತಿ ಕೊರತೆ: ಪಟ್ಟಣದಿಂದ ನಿತ್ಯ ದೊಡ್ಡ ಪ್ರಮಾಣದಲ್ಲಿ ಘನತ್ಯಾಜ್ಯ ಸಂಗ್ರಹವಾಗುತ್ತಿದೆ. ಈಗಾಗಲೇ ಸ್ಟಾಕ್‌ ಯಾರ್ಡನಲ್ಲಿ ಕಣ್ಣು ಹಾಯಿಸಿದಲ್ಲೇಲ್ಲ ಕಸದ ರಾಶಿಯೇ ತುಂಬಿಕೊಂಡಿದೆ. ಕಸದಿಂದ ಏನು ಮಾಡಲು ಸಾಧ್ಯ ಎನ್ನುವವರೆ ಹೆಚ್ಚು. ಆದರೆ ಕಸದಿಂದ ಬಹಳಷ್ಟು ಉಪಯೋಗವಿದೆ. ಇದರಿಂದ ವಿದ್ಯುತ್‌, ಬಯೋಗ್ಯಾಸ್‌ ಹಾಗೂ ಸಾವಯುವ ಗೊಬ್ಬರ ಉತ್ಪಾದನೆ ಮಾಡಬಹುದು. ಆದರೆ ಸಮರ್ಪಕವಾಗಿ ಬಳಕೆ ಮಾಡಿಕೊಳ್ಳುವಲ್ಲಿ ಗಜೇಂದ್ರಗಡ ಪುರಸಭೆ ವಿಫಲವಾಗಿದೆ ಎನ್ನುವುದು ಸಾರ್ವಜನಿಕರ ಆರೋಪ.
ಸಾವಯುವ ಗೊಬ್ಬರದ ಜಾಗೃತಿ ಅಗತ್ಯ: ರಾಜ್ಯ ಮಾಲಿನ್ಯ ನಿಯಂತ್ರಣ ಮಂಡಳಿ ವತಿಯಿಂದ ಗುಣಮಟ್ಟದ ಸಾವಯುವ ಜೈವಿಕ ಗೊಬ್ಬರ ತಯಾರಿಕಾ ಘಟಕ ಪರವಾನಗಿ ಪಡೆದು ಪುರಸಭೆಗಜೇಂದ್ರ ಗೋಲ್ಡ್‌ ಗೊಬ್ಬರ ತಯಾರಿಕೆ ಪ್ರಾರಂಭಿಸಿದ್ದ ಸಂದರ್ಭದಲ್ಲಿ ಎಲ್ಲೇಲ್ಲೂ ಸಾವಯುವ ಗೊಬ್ಬರದೇ ಮಾತು ಕೇಳಿ ಬರುತ್ತಿತ್ತು. ಗಜೇಂದ್ರ ಗೋಲ್ಡ್‌ ಸಾವಯವ ಗೊಬ್ಬರದ ವಿನೂತನ ಪ್ರಯೋಗ ಇನ್ನೇನು ಯಶಸ್ವಿಯಾಯಿತು ಎನ್ನುವಷ್ಟರಲ್ಲಿ, ಪುರಸಭೆ ನಿರ್ಲಕ್ಷ ತೋರಿದ ಹಿನ್ನಲೆಯಲ್ಲಿ ಗಜೇಂದ್ರ ಗೋಲ್ಡ್‌ಗೆ ತೀವ್ರ ಹಿನ್ನಡೆಯಾಯಿತು. ಸಾವಯುವ ಜೈವಿಕ ಗೊಬ್ಬರದ ಮಹತ್ವವನ್ನು ರೈತರಿಗೆ ತಿಳಿಪಡಿಸುವ ಕಾರ್ಯವಾದಾಗ ಮಾತ್ರ ಗಜೇಂದ್ರ ಗೋಲ್ಡ್‌ ಗೊಬ್ಬರ ರೈತರಿಗೆ ವರವಾಗಲಿದೆ ಎನ್ನುವುದು ರೈತ ಸಮುದಾಯದ ಅಭಿಪ್ರಾಯವಾಗಿದೆ.
-ಡಿ.ಜಿ. ಮೋಮಿನ್‌