ವೆನಜುವೆಲಾದಲ್ಲಿ ರಶ್ಯ ಸೇನೆಯಿಂದ ಯಾರಿಗೂ ಬೆದರಿಕೆ ಇಲ್ಲ: ವಿದೇಶ ಸಚಿವಾಲಯ

ಮಾಸ್ಕೋ : ವೆನಜುವೆಲಾ ದಲ್ಲಿನ ರಶ್ಯನ್‌ ಸೇನೆಯ ಉಪಸ್ಥಿತಿಯಿಂದ ಯಾರಿಗೂ ಬೆದರಿಕೆ ಇಲ್ಲ ಎಂದು ರಶ್ಯ ವಿದೇಶ ಸಚಿವಾಲಯ ಇಂದು ಗುರುವಾರ ಹೇಳಿದೆ.

ಬಿಕ್ಕಟ್ಟಿಗೆ ಗುರಿಯಾಗಿರುವ ವೆನಜುವೆಲಾದಿಂದ ರಶ್ಯ ತನ್ನ ಸೇನೆಯನ್ನು ಹಿಂದೆಗೆದುಕೊಳ್ಳಬೇಕು ಎಂದು ಅಮೆರಿಕ ಅಧ್ಯಕ್ಷ ಡೊನಾಲ್‌ ಟ್ರಂಪ್‌ ಹೇಳಿರುವುದಕ್ಕೆ ಪ್ರತಿಯಾಗಿ ರಶ್ಯ ಈ ಹೇಳಿಕೆ ನೀಡಿದೆ.

ಅಮೆರಿಕ ಮತ್ತು ಇತರ 50ಕ್ಕೂ ಹೆಚ್ಚು ದೇಶಗಳು ವೆನಜುವೆಲಾ ವಿಪಕ್ಷ ನಾಯಕ ಜುವಾನ್‌ ಗೈಡೋ ಅವರನ್ನು ಮಧ್ಯಂತರ ಅಧ್ಯಕ್ಷರೆಂದು ಪರಿಗಣಿಸಿವೆ.

ಆದರೆ ರಶ್ಯ ಮತ್ತು ಚೀನ, ಸಂಕಷ್ಟಕ್ಕೆ ಗುರಿಯಾಗಿರುವ ನಿಕೋಲಸ್‌ ಮ್ಯಾಡುರೋ ಅವರನ್ನು ಬೆಂಬಲಿಸುತ್ತಿವೆ.