Russia; ಸಂಕಷ್ಟದಲ್ಲಿರುವ ಭಾರತೀಯರಿಗೆ ನೆರವು:ಕೇಂದ್ರ

ಹೊಸದಿಲ್ಲಿ: ಉದ್ಯೋಗದ ಆಮಿಷಕ್ಕೆ ಒಳಗಾಗಿ ರಷ್ಯಾದಲ್ಲಿ ಸಿಕ್ಕಿ ಹಾಕಿಕೊಂಡಿ ರುವ ಕರ್ನಾಟಕ ಸೇರಿ ದೇಶದ ಹಲವು ಯುವಕರನ್ನು ರಕ್ಷಿಸಲಾಗುತ್ತದೆ ಎಂದು ಕೇಂದ್ರ ಸರಕಾರ ತಿಳಿಸಿದೆ. ಈ ಬಗ್ಗೆ ಮಾತನಾಡಿದ ಕೇಂದ್ರ ವಿದೇಶಾಂಗ ಇಲಾಖೆ ವಕ್ತಾರ ರಣಧೀರ್‌ ಜೈಸ್ವಾಲ್‌ 20 ಮಂದಿ ನೆರವಿಗಾಗಿ ಸರಕಾರವನ್ನು ಸಂಪರ್ಕಿಸಿದ್ದಾರೆ. ಅವರನ್ನು ರಕ್ಷಿಸಲಾ­ಗುತ್ತದೆ ಎಂದು ಹೇಳಿದ್ದಾರೆ.

ಉಕ್ರೇನ್‌ ಜತೆಗಿನ ಯುದ್ಧದಲ್ಲಿ ಹೈದರಾ­ಬಾದ್‌ನ ಮೊಹಮ್ಮದ್‌ ಅಶ್ಫಾನ್‌ ಅಸುನೀಗಿರುವ ಬೆನ್ನಲ್ಲಿಯೇ ಪ್ರತಿಕ್ರಿಯೆ ನೀಡಿದ ಕೇಂದ್ರ ಸರಕಾರ ಉದ್ಯೋಗದ ಆಮಿಷವೊಡ್ಡಿ ಜನ­ರನ್ನು ಸೆಳೆಯುತ್ತಿರುವ ಏಜೆಂಟ್‌ಗಳ ಮೇಲೆ ಗಮನ ಇರಿಸಲಾಗಿದೆ. ರಷ್ಯಾ­ದಲ್ಲಿ ಸಿಲುಕಿಕೊಂಡಿರುವವರ ಬಗ್ಗೆ ಈಗಾಗಲೇ ಅಲ್ಲಿನ ಭಾರತೀಯ ರಾಯ­ಭಾರ ಕಚೇರಿಗೆ ಮಾಹಿತಿ ನೀಡಲಾಗಿದೆ ಎಂದು ವಿದೇ­ಶಾಂಗ ಸಚಿವಾಲಯದ ವಕ್ತಾರ ಹೇಳಿದ್ದಾರೆ.

ರಷ್ಯಾದ ಇಬ್ಬರ ಮೇಲೆ ಸಿಬಿಐ ಕಣ್ಣು: ಉದ್ಯೋಗದ ಆಮಿಷವೊಡ್ಡಿ ಭಾರತೀ­ಯರನ್ನು ಯುದ್ಧದಲ್ಲಿ ತೊಡಗಿ­ಸುತ್ತಿ ರುವ ಪ್ರಕರಣಕ್ಕೆ ಸಂಬಂಧಿಸಿದಂತೆ ರಷ್ಯಾದಲ್ಲಿನ ಇಬ್ಬರು ಕಳ್ಳಸಾಗಣೆ ದಾರರ ಮೇಲೆ ಸಿಬಿಐ ಕಣ್ಣಿಟ್ಟಿದೆ. ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.