ಜಿಡಿಪಿ ಜಿಗಿತ : ಡಾಲರ್‌ ಎದುರು 35 ಪೈಸೆ ಏರಿದ ರೂಪಾಯಿ

ಮುಂಬಯಿ : 2018ರ ಮಾರ್ಚ್‌ ತ್ತೈಮಾಸಿಕದಲ್ಲಿ ದೇಶದ ಜಿಡಿಪಿ ಶೇ.7.7ಕ್ಕೆ ಜಿಗಿದಿರುವುದನ್ನು ಅನುಸರಿಸಿ ಡಾಲರ್‌ ಎದುರು ರೂಪಾಯಿ ಇಂದು 35 ಪೈಸೆಗಳಷ್ಟು ಬಲಿಷ್ಠವಾಗಿ 67.06 ರೂ. ಮಟ್ಟವನ್ನು ತಲುಪಿತು.

ಡಾಲರ್‌ ಮಾತ್ರವಲ್ಲದೆ ಬ್ರಿಟಿಷ್‌ ಪೌಂಡ್‌, ಯೂರೋ ಮತ್ತು ಜಪಾನೀ ಯೆನ್‌ ಮೊದಲಾದ ಮುಂಚೂಣಿ ಕರೆನ್ಸಿಗಳ ವಿರುದ್ಧವೂ ರೂಪಾಯಿ ಬಲ ವರ್ಧಿಸಿತು.

ಈ ವರ್ಷ ಜನವರಿ – ಮಾರ್ಚ್‌ ಅವಧಿಯಲ್ಲಿ ಭಾರತದ ಆರ್ಥಿಕತೆಯು ಚೀನದ ಶೇ.6.8ರ ಬೆಳವಣಿಗೆಯನ್ನು ಮೀರಿದ ಪ್ರಸರಣ ಕಂಡಿರುವುದು ರೂಪಾಯಿ ಬಲವರ್ಧನೆಗೆ ಕಾರಣವಾಗಿದೆ. 

ಕಳೆದ ಮೂರು ದಿನಗಳ ರಾಲಿಯಲ್ಲಿ ರೂಪಾಯಿ 80 ಪೈಸೆಗಳ ಆರೋಗ್ಯಕರ ಬಲವರ್ಧನೆಯನ್ನು ದಾಖಲಿಸಿದೆ.