ಡಾಲರ್‌ ಎದುರು ರೂಪಾಯಿ ಮೌಲ್ಯ ಸಾರ್ವಕಾಲಿಕ ತಳ ಮಟ್ಟಕ್ಕೆ 

ಮುಂಬಯಿ : ಡಾಲರ್‌ ಎದುರು ರೂಪಾಯಿ ಮೌಲ್ಯ ಬುಧವಾರ ಸಾರ್ವಕಾಲಿಕ ತಳ ಮಟ್ಟಕ್ಕೆ  ಕುಸಿದಿದೆ. 

ಕಚ್ಚಾ ತೈಲದ ಬೆಲೆ ನಿರಂತರ ಏರಿಕೆ ಮತ್ತು ವಿದೇಶಿ ನಿಧಿಯ ಹೊರಹರಿವಿನಿಂದಾಗಿ 72.87 ರಲ್ಲಿದ್ದ  ರೂಪಾಯಿ ಮೌಲ್ಯ ಇಂದು 72.91 ರೂ. ಮಟ್ಟಕ್ಕೆ ಕುಸಿದಿದ್ದು 73 ರ ಸನಿಹಕ್ಕೆ ಬಂದಿದೆ. 

ಮುಖ್ಯವಾಗಿ ವಾಣಿಜ್ಯ ಸಮರ, ಕಚ್ಚಾ ತೈಲ ಬೆಲೆ ಏರಿಕೆ  ನಂತರ, ಬ್ಯಾಂಕುಗಳು ಮತ್ತು ಆಮದುದಾರರಿಂದ ಸ್ಥಿರವಾದ ಡಾಲರ್ ಬೇಡಿಕೆ ರೂಪಾಯಿ ಮೌಲ್ಯದ ಒತ್ತಡಕ್ಕೆ ಕಾರಣವಾಗಿದೆ. 

ಸದ್ಯ ರೂಪಾಯಿ ಏಷ್ಯಾದಲ್ಲೇ ಡಾಲರ್ ಎದುರು ಅತಿ ಹೆಚ್ಚು ಮೌಲ್ಯ ಕಳೆದುಕೊಂಡ ಕರೆನ್ಸಿಯಾಗಿದೆ.