RSS, ಪ್ರಧಾನಿ ಬೆಂಬಲಿತ ಕಾಶ್ಮೀರಿ ಸಂತನಿಗೆ ಉಗ್ರ ಬೆದರಿಕೆ

ಶ್ರೀನಗರ: ಪ್ರಧಾನಿ ನರೇಂದ್ರ ಮೋದಿ ಮತ್ತು ಆರ್‌ಎಸ್‌ಎಸ್‌ ಸಿದ್ಧಾಂತಗಳನ್ನು ಬೆಂಬಲಿಸಿದ್ದಕ್ಕಾಗಿ ಜಮ್ಮು ಕಾಶ್ಮೀರದ ಹಿಂದೂ ಸಂತರೊಬ್ಬರಿಗೆ ಉಗ್ರರು ಜೀವ ಬೆದರಿಕೆ ಒಡ್ಡಿದ್ದಾರೆ. ನ.7­ರಂದು ಸಂತ ಸಾಹಿಲ್‌ ಜೀ ಮಹರಾಜ್‌ ಅವರಿಗೆ ವೀಡಿಯೋ ಕಾಲ್‌ ಮಾಡಿರುವ ಉಗ್ರರು, “ನಾವು ನಿಮಗೆ ತುಂಬಾ ಸಮೀಪದಲ್ಲೇ ಇದ್ದೇವೆ. ಕಣಿವೆ ರಾಜ್ಯದಲ್ಲಿ ಪ್ರಧಾನಿ ಮತ್ತು ಆರ್‌ಎಸ್‌ಎಸ್‌ಗೆ ನೀವು ಬೆಂಬಲ ಸೂಚಿಸುವುದನ್ನು ಮುಂದು­ವರಿಸಿದಲ್ಲಿ ನಿಮ್ಮನ್ನು ತುಂಡು ತುಂಡಾಗಿ ಕತ್ತರಿಸುತ್ತೇವೆ’ ಎಂದು ಬೆದರಿಕೆ ಒಡ್ಡಿದ್ದಾರೆ ಎಂದು ಮೂಲಗಳು ತಿಳಿಸಿವೆ.