ಏಕಕಾಲದ ಚುನಾವಣೆಗೆ 4,550 ಕೋಟಿ ರೂ. ಬೇಕು!

ಹೊಸದಿಲ್ಲಿ: ಲೋಕಸಭೆ ಹಾಗೂ ವಿಧಾನಸಭೆ ಚುನಾವಣೆಯನ್ನು ತತ್‌ಕ್ಷಣವೇ ಒಟ್ಟಿಗೆ ನಡೆಸುವುದಾದಲ್ಲಿ ಹೊಸ ಇವಿಎಂಗಳನ್ನು ಹಾಗೂ ವಿವಿಪ್ಯಾಟ್‌ಗಳನ್ನು ಖರೀದಿಸಲು 4,550 ಕೋಟಿ ರೂ. ಅಗತ್ಯವಿದೆ ಎಂದು ಕಾನೂನು ಆಯೋಗದ ವರದಿ ಹೇಳಿದೆ.

2019ರ ಲೋಕಸಭೆ ಚುನಾವಣೆಗೆ 10,60,000 ಮತಗಟ್ಟೆಗಳು ಬೇಕಾಗುತ್ತದೆ. ಸದ್ಯ 12.9 ಲಕ್ಷ ಬ್ಯಾಲಟ್‌ ಯೂನಿಟ್‌ಗಳು, 9.4 ಲಕ್ಷ ಕಂಟ್ರೋಲ್‌ ಯೂನಿಟ್‌ ಮತ್ತು 12.3 ಲಕ್ಷ ವಿವಿಪ್ಯಾಟ್‌ಗಳ ಕೊರತೆ ಇದೆ. ಈ ಕೊರತೆ ಇರುವ ಯಂತ್ರವನ್ನು ಖರೀದಿಸಲು 4,555 ಕೋಟಿ ರೂ. ಅಗತ್ಯವಿದೆ ಎಂದಿದೆ.