ಕೊಲ್ಲೂರು ಶ್ರೀದೇವಿಗೆ 30 ಲಕ್ಷ ರೂ. ಮೌಲ್ಯದ ಸ್ವರ್ಣಹಾರ ಸಮರ್ಪಣೆ

ಕೊಲ್ಲೂರು: ಶ್ರೀ ಮೂಕಾಂಬಿಕಾ ದೇವಿಗೆ ಭಕ್ತರೋರ್ವರು ಕಾಣಿಕೆ ರೂಪದಲ್ಲಿ ನೀಡಿದ 30 ಲಕ್ಷ ರೂ. ಮೌಲ್ಯದ 578 ಗ್ರಾಂ ತೂಕದ ಸ್ವರ್ಣಹಾರ ಸಮರ್ಪಣೆ ರವಿವಾರ ನಡೆಯಿತು.

ಬೆಂಗಳೂರು ಮೂಲದ ವನಜಾ ಎನ್‌.ಎಂ. ಮುರುಗನ್‌ ಅವರು ಹಾರವನ್ನು ದೇವಿಗೆ ಅರ್ಪಿಸಿದ್ದಾರೆ. ಇದೇ ವೇಳೆ ಅವರು ದೇಗುಲದ ಅನ್ನದಾಸೋಹಕ್ಕೆ 30 ಸಾವಿರ ರೂ.ಗಳ ದೇಣಿಗೆ ನೀಡಿದರು.

ದೇಗುಲದ ಉಪ ಕಾರ್ಯ ನಿರ್ವ ಹಣಾಧಿಕಾರಿ ಕೃಷ್ಣಮೂರ್ತಿ, ಸಮಿತಿಯ ಸದಸ್ಯರಾದ ವಂಡಬಳ್ಳಿ ಜಯರಾಮ ಶೆಟ್ಟಿ, ರಮೇಶ ಗಾಣಿಗ, ನರಸಿಂಹ ಹಳಗೇರಿ ಉಪಸ್ಥಿತರಿದ್ದು, ದಾನಿಗಳನ್ನು ದೇಗುಲದ ವತಿಯಿಂದ ಸಮ್ಮಾನಿಸಿದರು.