ಬಂದಿದೆ ಹೊಸ ರಾಯಲ್‌ ಎನ್‌ಫೀಲ್ಡ್‌ ಕ್ಲಾಸಿಕ್‌ 350 ಎಸ್‌

ಚೆನ್ನೈ: ಯುವಕರ ಹೃದಯ ಬಡಿತ ಮತ್ತಷ್ಟು ಜೋರು ಮಾಡುವ ಪ್ರಸಿದ್ಧ ಮೋಟಾರು ಸೈಕಲ್‌ ತಯಾರಿಕೆ ಕಂಪೆನಿ ರಾಯಲ್‌ ಎನ್‌ಫೀಲ್ಡ್‌ ಇನ್ನೊಂದು ಹೊಸ ಮಾಡೆಲ್‌ ಅನ್ನು ಮಾರುಕಟ್ಟೆಗೆ ಪರಿಚಯಿಸಿದೆ.

ಕ್ಲಾಸಿಕ್‌ 350 ಶ್ರೇಣಿಯಲ್ಲೇ ಕ್ಲಾಸಿಕ್‌ 350 ಎಸ್‌ ಎನ್ನುವ ಮಾಡೆಲ್‌ ಬಿಡುಗಡೆಯಾಗಿದೆ. ಈ ಬೈಕಿನ ಬೆಲೆ ಹಳೆಯ ಕ್ಲಾಸಿಕ್‌ ಮಾಡೆಲ್‌ಗಿಂತ 9 ಸಾವಿರ ರೂ. ಕಡಿಮೆ ಇರಲಿದೆ. ಅಂದರೆ ದಿಲ್ಲಿಯಲ್ಲಿ ಇದರ ಎಕ್ಸ್‌ಷೋರೂಂ ಬೆಲೆ 1.45 ಲಕ್ಷ ರೂ.ಆಗಿರಲಿದೆ. ಇತ್ತೀಚೆಗೆಗಷ್ಟೇ ಎನ್‌ಫೀಲ್ಡ್‌ ಕಂಪೆನಿ ಬುಲೆಟ್‌ 350 ಎಸ್‌ ಮತ್ತು 350 ಕೆಎಸ್‌ ಮಾದರಿಗಳನ್ನು ಪರಿಚಯಿಸಿತ್ತು.

ವಿಶೇಷತೆಯೇನು?
ಕ್ಲಾಸಿಕ್‌ 350 ಎಸ್‌ ಎಂಜಿನ್‌ ಸಾಮರ್ಥ್ಯದಲ್ಲಿ ಬದಲಾವಣೆ ಏನೂ ಇಲ್ಲ. ಇದೂ 19.8 ಬಿಎಚ್‌ಪಿ ಮತ್ತು 28 ಎನ್‌ಎಂ ಟಾರ್ಕ್‌ ಉತ್ಪಾದನೆ ಮಾಡುತ್ತದೆ. 5 ಸ್ಪೀಡ್‌ ಗಿಯರ್‌ ಬಾಕ್ಸ್‌ ಹೊಂಇದೆ. ಮುಂಭಾಗ ಟೆಲಿಸ್ಕೋಪಿಕ್‌ ಮತ್ತು ಹಿಂಭಾಗ ಗ್ಯಾಸ್‌ಚಾರ್ಜ್‌ಡ್‌ ಶಾಕ್ಸ್‌ ಅಬ್ಸರ್ಬರ್‌ಗಳನ್ನು ಹೊಂದಿದೆ. ಹೊಸ ಮಾದರಿಯ ಲೋಗೋ, ಪೈಂಟೆಡ್‌ ಮಿರರ್‌ಗಳನ್ನು ಹೊಂದಿದೆ. ಸಿಂಗಲ್‌ ಚಾನೆಲ್‌ ಎಬಿಎಸ್‌ ವ್ಯವಸ್ಥೆ ಇದೆ. ಮುಂಭಾಗ ಡಿಸ್ಕ್ ಬ್ರೇಕ್‌ ಹಿಂಭಾಗ ಡಮ್‌ ಬ್ರೇಕ್‌ ಇದೆ. ಕ್ಲಾಸಿಕ್‌ 350 ಮತ್ತು ಕ್ಲಾಸಿಕ್‌ 350 ಎಸ್‌ಗಿರುವ ಪ್ರಮುಖ ವ್ಯತ್ಯಾಸವೆಂದರೆ ಇದರಲ್ಲಿ ಹಿಂಭಾಗ ಡಿಸ್ಕ್ ಬ್ರೇಕ್‌ ಮತ್ತು ಡ್ಯುಎಲ್‌ ಚಾನೆಲ್‌ ಎಬಿಎಸ್‌ ಇಲ್ಲ. ಜತೆಗೆ ದರ ಕಡಿತಕ್ಕೆ ಕೆಲವೊಂದು ವ್ಯತ್ಯಾಸಗಳನ್ನು ಮಾಡಲಾಗಿದೆ.