Advertisement

1 ಬಿಲಿಯನ್ ವೀಕ್ಷಣೆ ಪಡೆದು ಹೊಸ ದಾಖಲೆ ಸೃಷ್ಟಿಸಿದ “ರೌಡಿ ಬೇಬಿ”

06:34 PM Nov 17, 2020 | Suhan S |

ಚೆನ್ನೈ : ತಮಿಳು ನಟ ಧನುಶ್ ಹಾಗೂ ಕ್ಯೂಟ್ ಲುಕ್ ನಟಿ ಸಾಯಿ ಪಲ್ಲವಿ ನಟನೆಯ ಮಾರಿ – 2 ಚಿತ್ರದ ‘ರೌಡಿ ಬೇಬಿ’ ಹಾಡು 1 ಬಿಲಿಯನ್ ವೀಕ್ಷಣೆ ಪಡೆದು ಹೊಸ ದಾಖಲೆ ಸೃಷ್ಟಿಸಿದೆ.

Advertisement

2018 ರ ಡಿಸೆಂಬರ್ 21 ರಂದು ಬಿಡುಗಡೆಗೊಂಡಿದ್ದ ಮಾರಿ -2 ಚಿತ್ರ ಬಾಕ್ಸ್ ಆಫೀಸ್ ನಲ್ಲಿ ಹೇಳಿಕೊಂಡಷ್ಟು ಸದ್ದು ಮಾಡಿಲ್ಲದಿದ್ರು, ಚಿತ್ರದ ಹಾಡೊಂದು ಸಿಕ್ಕಾಪಟ್ಟೆ ಸೌಂಡ್ ಮಾಡಿ ಹಲವು ದಾಖಲೆಗಳನ್ನು ಬ್ರೇಕ್ ಮಾಡಿದೆ. ಚಿತ್ರದ ರೌಡಿ ಬೇಬಿ’ ಎನ್ನುವ ಹಾಡು ಯೂಟ್ಯೂಬ್ ನಲ್ಲಿ 2019 ರ ಜನವರಿ 2 ರಂದು ಬಿಡುಗಡೆಗೊಂಡ, ಕೆಲವೇ ದಿನಗಳಲ್ಲಿ ಸೂಪರ್ ಹಿಟ್ ಆಗಿತ್ತು. ಸದ್ಯ ‘ರೌಡಿ ಬೇಬಿ’ ಹಾಡು 100 ಕೋಟಿ ವೀಕ್ಷಣೆಯನ್ನು ದಾಟಿದ್ದು, ದಾಖಲೆಗಳ ಪ್ರಕಾರ ದಕ್ಷಿಣ ಭಾರತದಲ್ಲಿ ನೂರು ಕೋಟಿ ವೀಕ್ಷಣೆ ಪಡೆದ ಮೊದಲ ಹಾಡೆನ್ನುವ ಹೊಸ ದಾಖಲೆಗೆ ರೌಡಿ ಬೇಬಿ ಹಾಡು ಪಾತ್ರವಾಗಿದೆ.

ಈ ಸಂತಸವನ್ನು ನಟ ಧನುಶ್ ತಮ್ಮ ಟ್ವೀಟರ್ ನಲ್ಲಿ ಹಂಚಿಕೊಂಡಿದ್ದಾರೆ. “ ‘ಕೊಲವೆರಿ ಡಿ’ ಹಾಡಿಗೆ ಒಂಬತ್ತು ವರ್ಷ ತುಂಬಿದ ದಿನವೇ ರೌಡಿ ಬೇಬಿ ಹಾಡು ಒಂದು ಬಿಲಿಯನ್ ವೀಕ್ಷಣೆ ಕಂಡಿದೆ. ಇಡೀ ಚಿತ್ರತಂಡ ಹೃದಯಪೂರ್ವಕವಾಗಿ ಧನ್ಯವಾದ ತಿಳಿಸುತ್ತದೆ. ದಕ್ಷಿಣ ಭಾರತದಲ್ಲಿ ಒಂದು ಬಿಲಿಯನ್ ವೀಕ್ಷಣೆ ಕಂಡ ಮೊದಲ ಹಾಡು ಎನ್ನುವುದಕ್ಕೆ ಹೆಮ್ಮೆ ಎನ್ನಿಸುತ್ತದೆ”. ಎಂದು ಧನುಶ್ ಟ್ವೀಟ್ ಮಾಡಿ ತಮ್ಮ ಹರ್ಷವನ್ನು ಹಂಚಿಕೊಂಡಿದ್ದಾರೆ. ನಟಿ ಸಾಯಿ ಪಲ್ಲವಿ ಸಹ “ಎಲ್ಲರಿಗೂ ಹೃದಯಪೂರ್ವಕ ಧನ್ಯವಾದ” ಎಂದು ಟ್ವೀಟ್ ಮಾಡಿದ್ದಾರೆ.

ಯುವನ್ ಶಂಕರ್ ರೌಡಿ ಬೇಬಿ ಹಾಡಿಗೆ ಸಂಗೀತ ನೀಡಿದ್ದಾರೆ, ಹಾಡಿನ ಸಾಹಿತ್ಯವನ್ನು ನಟ ಧನುಶ್ ಬರೆದಿದ್ದು, ಅವರೇ ಸ್ವತಃ ಹಾಡನ್ನು ಹಾಡಿದ್ದಾರೆ.ಧನುಶ್ ಜತೆ ದೀಕ್ಷಿತಾ ದನಿ ಸೇರಿಸಿದ್ದಾರೆ. ಹಾಡನ್ನು ಪ್ರಭುದೇವ ಕೊರಿಯೋಗ್ರಫ್ ಮಾಡಿದ್ದಾರೆ. ಅಂದಹಾಗೆ ಮಾರಿ-2 ಚಿತ್ರವನ್ನು ಬಾಲಾಜಿ ಮೋಹನ್ ನಿರ್ದೇಶಿಸಿದ್ದರು. ಧನುಶ್ ನಿರ್ಮಾಣದ ಹೊಣೆ ಹೊತ್ತಿದ್ದರು.

Advertisement

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next