ರೊನಾಲ್ಡಿನೊ ವಿದಾಯ

ರಿಯೋ ಡಿ ಜನೈರೋ: ವಿಶ್ವ ಫ‌ುಟ್‌ಬಾಲ್‌ನ ಸ್ಟಾರ್‌ ಆಟಗಾರ, ಬ್ರಝಿಲ್‌ ದಂತಕತೆ ರೊನಾಲ್ಡಿನೊ ಅಂತಾರಾಷ್ಟ್ರೀಯ ಫ‌ುಟ್‌ಬಾಲಿಗೆ ನಿವೃತ್ತಿ ಘೋಷಿಸಲಿದ್ದಾರೆ. ಇದನ್ನು ರೊನಾಲ್ಡಿನೊ ಅವರ ಸಹೋದರ ಬಹಿರಂಗಪಡಿಸಿದ್ದಾರೆ.

2015ರಿಂದೀಚೆಗೆ ರೊನಾಲ್ಡಿನೊ ಯಾವುದೇ ಸ್ಪರ್ಧಾತ್ಮಕ ಪಂದ್ಯಗಳನ್ನು ಆಡಿರಲಿಲ್ಲ. ನಾನಾ ಕಾರಣಕ್ಕೆ ಎಲ್ಲ ಪಂದ್ಯಗಳನ್ನು ತಪ್ಪಿಸಿಕೊಳ್ಳುತ್ತ ಬಂದಿದ್ದರು. ನಿವೃತ್ತಿ ಬಗ್ಗೆ ರಿಯೋ ಡಿ ಜನೈರೋ ಪತ್ರಿಕೆಗೆ ಪ್ರತಿಕ್ರಿಯಿಸಿರುವ, ರೋನಾಲ್ಡಿನೊ ಏಜೆಂಟ್‌ ಕೂಡ ಆಗಿರುವ ಸಹೋದರ ಆಸಿಸ್‌, “ರೊನಾಲ್ಡಿನೋ ಆಟ ನಿಲ್ಲಿಸಿದ್ದಾರೆ, ಅವರ ಆಟ ಮುಗಿದಿದೆ’ ಎಂದಿದ್ದಾರೆ. “ಫ‌ುಟ್‌ಬಾಲ್‌ ಪ್ರತಿಭೆಗೆ ವಿದಾಯ ಪಂದ್ಯಗಳು ಬ್ರಝಿಲ್‌, ಯುರೋಪ್‌, ಏಷ್ಯಾದಲ್ಲಿ ನಡೆಯಲಿವೆ. ಇದರಲ್ಲಿ ಬ್ರಝಿಲ್‌ ರಾಷ್ಟ್ರೀಯ ಫ‌ುಟ್‌ಬಾಲ್‌ ತಂಡ ಪಾಲ್ಗೊಳ್ಳಲಿದೆ’ ಎಂದು ಆಸಿಸ್‌ ಹೇಳಿದರು.

ಬರುವ ಮಾರ್ಚ್‌ಗೆ 38 ವರ್ಷ ಪೂರ್ತಿಗೊಳಿಸಲಿರುವ ರೊನಾಲ್ಡಿನೊ, 1987ರಲ್ಲಿ ಪೋಟೋì ಅಲೆಗ್ರೆ ಕ್ಲಬ್‌ ಮೂಲಕ ವೃತ್ತಿಜೀವನವನ್ನು ಆರಂಭಿಸಿದ್ದರು. ಫ‌ುಟ್‌ಬಾಲ್‌ನ ಪ್ರತಿಷ್ಠಿತ ಪ್ರಶಸ್ತಿಗಳಾದ ಬ್ಯಾಲನ್‌ ಡಿ’ಓರ್‌, ಫಿಫಾ ವರ್ಷದ ಆಟಗಾರ, ಗೋಲ್ಡನ್‌ ಬೂಟ್‌… ಎಲ್ಲವನ್ನೂ ರೊನಾಲ್ಡಿನೊ ತಮ್ಮದಾಗಿಸಿಕೊಂಡಿದ್ದಾರೆ.