ಆಸೀಸ್‌ ವಿರುದ್ಧ ಪ್ರಥಮ ಟಿ20 ಪಂದ್ಯಕ್ಕೆ ರೋಹಿತ್‌ ಇಲ್ಲ?

ಚೆನ್ನೈ: ಭಾರತ ಸೀಮಿತ ಓವರ್‌ಗಳ ಕ್ರಿಕೆಟ್‌ ತಂಡದ ಉಪನಾಯಕ ರೋಹಿತ್‌ ಶರ್ಮ ಆಸ್ಟ್ರೇಲಿಯದಲ್ಲಿ ನ.21ರಂದು ನಡೆಯುವ ಮೊದಲ ಟಿ20 ಪಂದ್ಯವನ್ನು ತಪ್ಪಿಸಿಕೊಳ್ಳುವ ಸಾಧ್ಯತೆಯಿದೆ. ಅವರು ವಿಂಡೀಸ್‌ ವಿರುದ್ಧ ಟಿ20 ಸರಣಿಯ ನಂತರ ನ್ಯೂಜಿಲೆಂಡ್‌ಗೆ ತೆರಳಿ ಅಲ್ಲಿ ಭಾರತ ಎ ತಂಡದ ಪರ ಟೆಸ್ಟ್‌ ಪಂದ್ಯವಾಡಲಿದ್ದಾರೆ. 

ನ.16ರಿಂದ 19ರವರೆಗೆ ಪಂದ್ಯ ನಡೆಯಲಿದ್ದು, ನ.21ಕ್ಕೆ ಟಿ20 ಪಂದ್ಯವಿದೆ. ಈ ನಡುವೆ ಕೇವಲ 2 ದಿನಗಳ ಅಂತರವಿರುವುದರಿಂದ ರೋಹಿತ್‌ ಮೊದಲ ಪಂದ್ಯದಲ್ಲಿ ಆಡುವುದು ಕಷ್ಟಕರವಾಗಿದೆ. ಸದ್ಯ ರೋಹಿತ್‌ರನ್ನು ಭಾರತ ಟೆಸ್ಟ್‌ ತಂಡಕ್ಕೂ ಪರಿಗಣಿಸಬೇಕೆಂಬ ಆಗ್ರಹ ಜೋರಾಗಿದೆ. ಆದ್ದರಿಂದ ನ್ಯೂಜಿಲೆಂಡ್‌ ಎ ವಿರುದ್ಧ ರೋಹಿತ್‌ ತಮ್ಮ ಸಾಮರ್ಥಯ ಸಾಬೀತು ಪಡಿಸಬೇಕಿದೆ. ಹಾಗಿದ್ದರೆ ಮಾತ್ರ ಅವರಿಗೆ ಟೆಸ್ಟ್‌ನಲ್ಲಿ ಸ್ಥಾನ ಸಿಗಲಿದೆ.