Road Mishap: ಸಿದ್ದಾಪುರ; ಕಾರ್‌ಗೆ ಟ್ಯಾಂಕರ್‌ ಢಿಕ್ಕಿ; ಇಬ್ಬರಿಗೆ ಗಾಯ

ಸಿದ್ದಾಪುರ: ಹೊಸಪೇಟೆ ಯಿಂದ ಎಸ್‌.ಬಿ. ಹಸನ್‌ (63) ಅವರು ಪತ್ನಿ ಸಾರಾಭಿ ಅವರೊಂದಿಗೆ ಸೆ. 30ರಂದು ಉಡುಪಿಗೆ ಕಾರ್‌ನಲ್ಲಿ ಪ್ರಯಾಣಿಸುತ್ತಿರುವಾಗ ರಾಜ್ಯ ಹೆದ್ದಾರಿಯ ಹುಲಿಕಲ್‌ ಘಾಟಿ ರಸ್ತೆಯ ತಿರುವಿನಲ್ಲಿ ಅತೀ ವೇಗವಾಗಿ ಬಂದ ಟ್ಯಾಂಕರ್‌ ಢಿಕ್ಕಿ ಹೊಡೆದಿದೆ.

ಢಿಕ್ಕಿಯ ಪರಿಣಾಮ ಕಾರು ಜಖಂಗೊಂಡು ಚಾಲಕ ಎಸ್‌.ಬಿ. ಹಸನ್‌ ಹಾಗೂ ಹಿಂಬದಿ ಸೀಟಿನಲ್ಲಿ ಕುಳಿತಿರುವ ಸಾರಾಭಿ ಅವರಿಗೆ ಗಾಯಗಳಾಗಿವೆ. ಕುಂದಾಪುರ ಖಾಸಗಿ ಆಸ್ಪತ್ರೆಯಲ್ಲಿ ದಾಖಲಾಗಿದ್ದಾರೆ. ಅಮಾಸೆಬೈಲು ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.