Road mishap: ಮಾಳ ಕಡಾರಿ ಬಳಿ ಮಿನಿ ಟೆಂಪೋ ಪಲ್ಟಿಕಾರ್ಮಿಕ ಸಾವು, ಇತರರಿಗೆ ಗಾಯ

ಕಾರ್ಕಳ: ತೆಂಗಿನಕಾಯಿ ಸಾಗಿಸುತ್ತಿದ್ದ ಮಿನಿ ಟೆಂಪೋ ಪಲ್ಟಿಯಾಗಿ ಕಾರ್ಮಿಕ ಮಾಳದ ಸುನಿಲ್‌ (32) ಎಂಬವರು ಮೃತಪಟ್ಟು, ಇತರ ನಾಲ್ವರು ಗಾಯಗೊಂಡ ಘಟನೆ ಮಾಳದ ಕಡಾರಿ ಕ್ರಾಸ್‌ ಬಳಿ ಮಾ. 21ರಂದು ನಡೆದಿದೆ.

ಕಾರ್ಕಳ- ಬಜಗೋಳಿ -ಕುದುರೆಮುಖ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಈ ಘಟನೆ ನಡೆದಿದೆ. ಹೆಜಮಾಡಿಯಿಂದ ತೆಂಗಿನಕಾಯಿ ಲೋಡ್‌ ಮಾಡಿ ಮಾಳದತ್ತ ತೆರಳುತ್ತಿದ್ದಾಗ ಘಟನೆ ಸಂಭವಿಸಿದೆ.

ಚಾಲಕನ ನಿಯಂತ್ರಣ ತಪ್ಪಿ ಟೆಂಪೋ ಪಲ್ಟಿಯಾಗಿದ್ದು, ಲಾರಿಯಲ್ಲಿ ಚಾಲಕ ಸೇರಿ 6 ಮಂದಿ ಕಾರ್ಮಿಕರಿದ್ದರು. ಸ್ಥಳೀಯರು ಗಾಯಾಳುಗಳನ್ನು ಕಾರ್ಕಳದ ಆಸ್ಪತ್ರೆಗೆ ಕರೆತಂದು ಚಿಕಿತ್ಸೆ ನೀಡಿದ್ದು. ಗಂಭೀರವಾಗಿ ಗಾಯಗೊಂಡಿದ್ದ ಸುನಿಲ್‌ ಚಿಕಿತ್ಸೆ ಫಲಿಸದೆ ಮೃತಪಟ್ಟರು. ಉಳಿದ ಐದು ಮಂದಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.