ಏರುತ್ತಿದೆ ಭಾರತದ ರಿಯಲ್‌ ಎಸ್ಟೇಟ್‌ ಮೌಲ್ಯ

ಕೋಲ್ಕತ: ಭಾರತದ ರಿಯಲ್‌ ಎಸ್ಟೇಟ್‌ ಮಾರುಕಟ್ಟೆ ಕೊರೊನಾದ ಕಳವಳದ ನಡುವೆಯೂ ಏರುಗತಿಯಲ್ಲೇ ಸಾಗಿದೆ. 2024ರ ಹೊತ್ತಿಗೆ ಈ ಮಾರುಕಟ್ಟೆ ಮೌಲ್ಯ 65,000 ಕೋಟಿ ರೂ.ಗೆ ತಲುಪುವ ನಿರೀಕ್ಷೆಯಿದೆ.

ಹಾಗೆಯೇ 2025 ಮುಗಿಯುವ ಹೊತ್ತಿಗೆ ದೇಶದ ಜಿಡಿಪಿಯಲ್ಲಿ ರಿಯಲ್‌ ಎಸ್ಟೇಟ್‌ ಪಾಲು ಶೇ.13 ಇರುತ್ತದೆ ಎಂದು ಸಿಐಆರ್‌ಐಎಲ್‌ ಸಂಸ್ಥೆ ಹೇಳಿದೆ.

2019ರ ವೇಳೆಗೆ ರಿಯಲ್‌ ಎಸ್ಟೇಟ್‌ ಮೌಲ್ಯ ಕೇವಲ 12,000 ಕೋಟಿ ರೂ. ಇತ್ತು. ಇದೀಗ ಕೊರೊನಾ ಇದ್ದರೂ ಈ ಮಟ್ಟಕ್ಕೆ ಮೌಲ್ಯವೇರಿದೆ.

ಈ ಪರಿಣಾಮ ರಿಯಲ್‌ ಎಸ್ಟೇಟ್‌ ಸಂಸ್ಥೆಗಳು ತಮ್ಮ ಕಚೇರಿಯನ್ನು ತಾಂತ್ರಿಕವಾಗಿ ಅತ್ಯುತ್ತಮಗೊಳಿಸಿಕೊಂಡಿದ್ದಾರೆ. ಗ್ರಾಹಕರನ್ನು ಡಿಜಿಟಲ್‌ ಮೂಲಕ ತಲುಪಲು ಯತ್ನಿಸುತ್ತಿದ್ದಾರೆ.