Advertisement
ಈ ಭಾಗದಲ್ಲಿ ಮಟ್ಟು ಭಾಗದ ಕೆನರಾ ಬ್ಯಾಂಕ್‌ ಬಳಿಯಲ್ಲಿ ಮತ್ತು ಕೋಟೆ ಗ್ರಾ.ಪಂ. ಅಧ್ಯಕ್ಷೆ ಮನೆಬಳಿಯ ರಸ್ತೆಯ ಮೇಲಿನ ಗುಂಡಿ ಮತ್ತು ಧೂಳಿನಿಂದ ಮುಕ್ತಿ ಕಾಣಲು ಹಾಗೂ ಸುಗಮ ಸಂಚಾರಕ್ಕಾಗಿ ಮತ್ತೆ ಟೆಂಡರ್‌ ಹಂತದಲ್ಲಿರುವ 1 ಕೋಟಿ ರೂ. ಅನುದಾನಕ್ಕಾಗಿ ಕಾಯಬೇಕಾದ ದುಸ್ಥಿತಿ ವಾಹನ ಸವಾರರಿಗೆ ಇದೀಗ ನುಂಗಲಾಗದ ಬಿಸಿ ತುಪ್ಪವಾಗಿ ಪರಿಣಮಿಸಿದೆ.
ಪ್ರಸ್ತುತ ಕೈಗೊಂಡ ರಸ್ತೆ ವಿಸ್ತರೀಕರಣ ಕಾಮಗಾರಿ ಕೊನೆಗೊಂಡ ಅನತಿ ದೂರದಲ್ಲಿಯೇ ಹೊಂಡ ಗುಂಡಿಯಿಂದ ಕೂಡಿ ಹಾಳಾದ ರಸ್ತೆಯು ಸವಾರರ, ಸಂಚಾರಿಗಳ ನಿದ್ದೆ ಕೆಡಿಸುತ್ತಿದೆ. ಕನಿಷ್ಠ ಪಕ್ಷ ತಾತ್ಕಾಲಿಕ ತೇಪೆ ಕೆಲಸವನ್ನಾದರೂ ಮಾಡಿ ಮಾನವೀಯತೆ ತೋರಬಹುದಿತ್ತು ಎಂದು ಸಾರ್ವಜನಿಕರು ತಮ್ಮ ಅಸಹನೆಯನ್ನು ವ್ಯಕ್ತಪಡಿಸುತ್ತಿದ್ದಾರೆ. ಅರೆಬರೆ ಕಾಮಗಾರಿಯಿಂದ ಸ್ಥಗಿತಗೊಂಡು, ಮತ್ತೆ ಕೆಲಸ ಪುನರಾರಂಭಗೊಂಡು ಸಿದ್ಧಗೊಂಡ ರಸ್ತೆ ನೋಡುವಾಗ ತಲೆಗೆ ಎಳೆದರೆ ಕಾಲಿಗೆ ಬರಲಿಲ್ಲ ಎಂಬ ಪಾಡು ಕಂಡು ಬರುತ್ತಿದ್ದು, ಸಂಚಾರಿಗಳ ಸಂಚಾರಕ್ಕೆ ಸಂಕಟ ಮುಂದುವರಿಯುಂತಾಗಿದೆ
ಕಾಪು ಶಾಸಕ ಲಾಲಾಜಿ ಆರ್‌ ಮೆಂಡನ್‌ ಶಿಫಾರಸಿನ ಮೇರೆಗೆ ಹೆಚ್ಚುವರಿಯಾಗಿ 1 ಕೋಟಿ ರೂ. ಅನುದಾನವನ್ನು ಒದಗಿಸಿ ಉಳಿಕೆ ಕಾಮಗಾರಿಯನ್ನು ಮಟ್ಟು ಸೇತುವೆ ಬಳಿಯ ವರೆಗೆ ಪೂರ್ಣಗೊಳಿಸಲಾಗುತ್ತದೆ. ಇನ್ನೇನು 20-25 ದಿನಗಳೊಳಗಾಗಿ ಟೆಂಡರ್‌ ಪೂರ್ಣಗೊಳ್ಳುವ ಹಂತದಲ್ಲಿದೆ ಎಂದು ಎಂಜಿನಿಯರ್‌ ಮಾಹಿತಿ ನೀಡುತ್ತಿದ್ದಾರೆ.
Related Articles
Advertisement
ಒನ್‌ ಟೈಮ್‌ ಡೆವಲಪ್‌ಮೆಂಟ್‌ ಯೋಜನೆಒನ್ ಟೈಮ್‌ ಡೆವಲಪ್‌ಮೆಂಟ್‌ ಯೋಜನೆಯಡಿ ತಾಂತ್ರಿಕ ಮಂಜೂರಾತಿ ಪಡೆದು 1 ಕೋಟಿ ರೂ. ವೆಚ್ಚದಲ್ಲಿ 0 -1.4 ಕಿ.ಮೀ ರಸ್ತೆ ಅಭಿವೃದ್ಧಿ ಕಾಮಗಾರಿ ನಡೆದಿದೆ. 400 ಮೀ.ನಷ್ಟು ಭಾಗ ಕಾಂಕ್ರೀಟ್‌, ಒಂದು ಕಿ.ಮೀ.ನಷ್ಟು ಡಾಮರು ಹಾಕಲಾಗಿದೆ. ಸುಗಮ ಸಂಚಾರ
ಪ್ರಯಾಣಿಕರು ಮತ್ತು ವಾಹನ ಸವಾರರನ್ನು ಹಿತದೃಷ್ಟಿಯಲ್ಲಿರಿಸಿಕೊಂಡು ಮುಂದಿನ 1 ಕೋಟಿ ರೂ. ಅನುದಾನ ಬರುವವರೆಗೆ ಹಾಳಾಗಿರುವ ರಸ್ತೆಯ ಭಾಗಕ್ಕೆ ಪ್ಯಾಚ್‌ ವರ್ಕ್‌ ನಡೆಸಿ ಸುಗಮ ಸಂಚಾರಕ್ಕೆ ಅನುಕೂಲವನ್ನು ಕಲ್ಪಿಸಲಿ.
– ಗುರು ಸುವರ್ಣ,ಕಟಪಾಡಿ ಕಾಮಗಾರಿಗೆ ಪ್ರಯತ್ನ
ಹೆಚ್ಚುವರಿ 1 ಕೋಟಿ ರೂ. ಅನುದಾನದ ಯೋಜನೆಯು ಟೆಂಡರ್‌ ಹಂತದಲ್ಲಿದ್ದು, ಪ್ರಕ್ರಿಯೆ ಪೂರ್ಣಗೊಂಡ ಕೂಡಲೇ ಮತ್ತೆ ವಿಸ್ತರೀಕರಣದ ಕಾಮಗಾರಿಗಳನ್ನು ಕೈಗೆತ್ತಿಕೊಂಡು ಪೂರೈಸಲಾಗುತ್ತದೆ. ಅದುವರೆಗೆ ಜಲ್ಲಿ ಅಥವಾ ಡಾಮರು ಮಿಕ್ಸ್‌ನ್ನು ರಸ್ತೆಯ ಗುಂಡಿಗೆ ಅಳವಡಿಸಲು ಪ್ರಯತ್ನಿಸುತ್ತೇನೆ.
– ಸವಿತಾ ಆರ್‌, ಅಸಿಸ್ಟೆಂಟ್‌ ಎಂಜಿನಿಯರ್‌ ಲೋಕೋಪಯೋಗಿ ಇಲಾಖೆ