ಅರಸಿನಮಕ್ಕಿ:  ಆನೆ ದಾಳಿಗೆ ತೋಟಕ್ಕೆ ಹಾನಿ

ಬೆಳ್ತಂಗಡಿ: ಅರಸಿನಮಕ್ಕಿ, ಹತ್ಯಡ್ಕ ಗ್ರಾಮದ ಅನ್ನಪೂರ್ಣ ಫಾರ್ಮ್ ತೋಟ ಹಾಗೂ ಆ ಪರಿಸರದಲ್ಲಿಯೇ ಆನೆ ವಾಸ್ತವ್ಯ ಹೂಡಿದ ಕಾರಣ ನೂರಾರು ಅಡಿಕೆ ಮರಗಳು, ಬಾಳೆ ತೋಟ ಹಾನಿಗೀಡಾಗಿವೆ.

ಅನ್ನಪೂರ್ಣ ತೋಟದಲ್ಲಿ ಕಳೆದ ಒಂದು ವಾರದಿಂದ ರಾತ್ರಿ ಹೊತ್ತು ತೋಟಕ್ಕೆ ನುಗ್ಗಿ ದಾಂಧ‌ಲೆ ನಡೆಸಿ ಪೈಪ್‌ ಲೆ„ನ್‌, ಬಾಳೆ‌, ಮರಗಳಿಗೆ ಹಾನಿ ಮಾಡುತ್ತಿವೆ. ಅಲ್ಲದೆ ರಸ್ತೆಯಲ್ಲಿಯೂ ರಾತ್ರಿ 8 ಗಂಟೆಯ ಅನಂತರ ವಾಹನ ಸವಾರರು ಮತ್ತು ಇತರರು ಭಯಪಡುವ ಸಂಭವ ಎದುರಾಗಿದೆ. ಜನರ ಆತಂಕ ನಿವಾರಣೆಗೆ ಅರಣ್ಯ ಇಲಾಖೆ ಮುಂದಾಗಬೇಕಿದೆ.