Retirement; ಮೌನ ಮುರಿದ ಸ್ಟೀವನ್‌ ಸ್ಮಿತ್‌

ಸಿಡ್ನಿ: ಸ್ಟೀವನ್‌ ಸ್ಮಿತ್‌ ಅವರು ತನ್ನ ತಂಡಸದಸ್ಯ ಡೇವಿಡ್‌ ವಾರ್ನರ್‌ ಅವರಂತೆ ನಿವೃತ್ತಿಯಾಗುವ ಯೋಜನೆ ಹಾಕಿಕೊಂಡಿಲ್ಲ. ಅವರು ಕ್ರೀಡಾಬಾಳ್ವೆಯಲ್ಲಿ ಇನ್ನಷ್ಟು ಸಾಧನೆ ಮಾಡಲು ಆಲೋಚಿಸುತ್ತಿದ್ದಾರೆ ಎಂದು ಸ್ಮಿತ್‌ ಅವರ ದೀರ್ಘ‌ ಕಾಲದ ಮ್ಯಾನೇಜರ್‌ ವಾರೆನ್‌ ಕ್ರೆಗ್‌ ಹೇಳಿದ್ದಾರೆ.

ಪ್ರವಾಸಿ ಪಾಕಿಸ್ಥಾನ ವಿರುದ್ಧದ ಮೂರನೇ ಟೆಸ್ಟ್‌ ಬಳಿಕ ಸಿಡ್ನಿಯಲ್ಲಿ ನಿವೃತ್ತಿ ಪ್ರಕಟಿಸುವ ಬಯಕೆಯನ್ನು ಡೇವಿಡ್‌ ವಾರ್ನರ್‌ ವ್ಯಕ್ತಪಡಿಸಿದ್ದರು. ಆದರೆ ಸದ್ಯದ ಸ್ಥಿತಿಯಲ್ಲಿ ಅವರು ನಿವೃತ್ತಿಯ ಬಗ್ಗೆ ಆಲೋಚನೆ ಮಾಡು ತ್ತಿಲ್ಲ. ಕ್ರಿಕೆಟ್‌ನಲ್ಲಿ ಇನ್ನಷ್ಟು ಸಾಧನೆ ಮಾಡುವ ಉತ್ಸಾಹ ಅವರಲ್ಲಿದೆ. ಹಾಗಾಗಿ ಕ್ರಿಕೆಟ್‌ ಕಡೆಗೆ ಅವರು ಗಮನ ಹರಿಸಲಿದ್ದಾರೆ ಎಂದು ಕ್ರೆಗ್‌ ಹೇಳಿದ್ದಾರೆ.

34ರ ಹರೆಯದ ಸ್ಮಿತ್‌ ಅವರು 102 ಟೆಸ್ಟ್‌ ಆಡಿದ್ದು 9,320 ರನ್‌ ಗಳಿಸಿದ್ದಾರೆ. 58.61 ಸರಾಸರಿಯಲ್ಲಿ ರನ್‌ ಬಾರಿಸಿರುವ ಅವುರ 32 ಶತಕ ಹೊಡೆದಿದ್ದಾರೆ. ಆದರೆ ಈ ಋತುವಿನಲ್ಲಿ ಅವರು ದೊಡ್ಡ ಮೊತ್ತ ಗಳಿಸಲು ಒದ್ದಾಡುತ್ತಿದ್ದಾರೆ.