Parliament ಆವರಣದಲ್ಲಿ ಪತ್ರಕರ್ತರ ಓಡಾಟಕ್ಕೆ ನಿರ್ಬಂಧ: ಪ್ರತಿಭಟನೆ

ಹೊಸದಿಲ್ಲಿ: ಸಂಸತ್‌ ಭವನ ಆವರಣದಲ್ಲಿ ಪತ್ರ ಕರ್ತರ ಓಡಾಟಕ್ಕೆ ನಿರ್ಬಂಧ ವಿಧಿಸಿದ್ದು ಮಾತ್ರವ ಲ್ಲದೇ ಈ ಮೊದಲು ಸಂಸದರೊಂದಿಗೆ ಸಂವಹನ ನಡೆಸಲಾಗುತ್ತಿದ್ದ “ಮಕರ ದ್ವಾರ’ದಲ್ಲಿ ಪತ್ರಕರ್ತರ ಚಟುವಟಿಕೆಗಳಿಗೆ ಅವಕಾಶವನ್ನು ಸಂಸತ್ತು ನಿರಾಕರಿ ಸಿದೆ. ಸಂಸತ್ತಿನ ಹೊರಗಿರುವ ಗಾಜಿನ ಕೋಣೆ ಬಳಸುವಂತೆ ಸಂಸತ್ತು ನಿರ್ದೇಶಿಸಿದ್ದು, ಈ ನಿರ್ಧಾರದ ವಿರುದ್ಧ ಪತ್ರಕರ್ತರು ಪ್ರತಿಭಟಿಸಿದರು. ಸಂಸತ್‌ಗೆ ವಿಪಕ್ಷ ನಾಯಕ ನಾಯಕ ರಾಹುಲ್‌ ಗಾಂಧಿ ಪತ್ರಕರ್ತರ ಅಹವಾಲುಗಳನ್ನು ಆಲಿಸಿದರು. ನಂತರ ಅಧಿವೇಶನದ ಚರ್ಚೆಯ ಸಂದರ್ಭದಲ್ಲಿ ಪತ್ರಕರ್ತರ ಪ್ರತಿಭಟನೆಯನ್ನು ಉಲ್ಲೇಖೀಸಿದ ರಾಹುಲ್‌, ಪತ್ರಕರ್ತರನ್ನು ನಿರ್ಬಂಧವೆಂಬ ಗಾಜಿನ ಪಂಜರದಿಂದ ಬಿಡುಗಡೆಗೊಳಿಸಲು ಆಗ್ರಹಿಸಿದರು.