Research: ಮನುಷ್ಯ ಕನಸಲ್ಲೂ ಸಂವಹನ ನಡೆಸಬಲ್ಲ: ವಿಜ್ಞಾನಿಗಳು

ಕ್ಯಾಲಿಫೋರ್ನಿಯಾ: ಗಾಢ ನಿದ್ರೆಯಲ್ಲಿರುವ ಇಬ್ಬರು ವ್ಯಕ್ತಿಗಳು ಕನಸಿನಲ್ಲಿ ಪರಸ್ಪರ ಸಂವಹನ ನಡೆಸುತ್ತಾರೆ ಎಂದು ಕ್ಯಾಲಿಫೋರ್ನಿಯಾದ ವಿಜ್ಞಾನಿಗಳು ಹೇಳಿದ್ದಾರೆ. ಇದು ವಿಶ್ವದಲ್ಲೇ ಮೊದಲ ಬಾರಿ ನಡೆದ ಸಂವಹನ ಎಂದು ಅವರು ಹೇಳಿಕೊಂಡಿದ್ದಾರೆ.

ರೆಮ್‌ಸ್ಪೇಸ್‌ ಎಂಬ ಸಂಸ್ಥೆ ಈ ಸಂಶೋಧನೆ ನಡೆಸಿದೆ. ಇದಕ್ಕಾಗಿ ಇಬ್ಬರು ವ್ಯಕ್ತಿಗಳನ್ನು ಬಳಕೆ ಮಾಡಿಕೊಂಡಿದ್ದು, ಒರ್ವ ವ್ಯಕ್ತಿ ಗಾಢ ನಿದ್ರೆಯಲ್ಲಿದ್ದಾಗ “ಜುಲಕ್‌’ ಎಂಬ ಪದ ಉಚ್ಚರಿಸಿದ್ದಾನೆ. ಈ ಸಮಯದಲ್ಲಿ ಆತ ಲುಸಿಡ್‌ ಡ್ರೀಮ್‌ (ಗಾಢ ನಿದ್ರೆಯಲ್ಲಿದ್ದಾಗ ಕಾಣುವ ಕನಸು)ನಲ್ಲಿದ್ದ ಎಂಬುದನ್ನು ವೈಜ್ಞಾನಿಕ ಸಾಧನಗಳ ಮೂಲಕ ಖಚಿತ ಪಡಿಸಿಕೊಳ್ಳಲಾಗಿದೆ.

ಇದಾದ 8 ನಿಮಿಷ ಗಳ ಬಳಿಕ ಮತ್ತೂಬ್ಬ ವ್ಯಕ್ತಿಯನ್ನು ಇದೇ ಲುಸಿಡ್‌ ಡ್ರೀಮ್‌ ಸ್ಥಿತಿಗೆ ತಲುಪಿಸಿ, ಇಯರ್‌ಫೋನ್‌ ಮೂಲಕ “ಜುಲಕ್‌’ ಎಂಬ ಶಬ್ದದ ಎಲೆಕ್ಟ್ರಾನಿಕ್‌ ತರಂಗಗಳನ್ನು ಕೇಳಿಸಲಾಗಿದೆ. ತತ್‌ಕ್ಷಣವೇ ಆ ವ್ಯಕ್ತಿ ಜುಲಕ್‌ ಎಂದು ಉಚ್ಚರಿಸಿದ್ದಾರೆ. ರೆಮ್‌ಸ್ಪೇಸ್‌ ಈ ಸಂಶೋಧನೆ ಬಗ್ಗೆ ಹೇಳಿದ್ದರೂ ಇದಕ್ಕೆ ಬಳಕೆ ಮಾಡಿರುವ ವೈಜ್ಞಾನಿಕ ವಿಧಾನವನ್ನು ಅವರು ವಿವರಿಸಿಲ್ಲ. ಒಂದು ವೇಳೆ ಇದು ಸತ್ಯವಾ ದರೆ, ಮಾನಸಿಕ ರೋಗಗಳ ಚಿಕಿತ್ಸೆ ಮತ್ತು ಕೌಶಲಾಭಿವೃದ್ಧಿಗೆ ಇದು ನೆರವಾಗಲಿದೆ.