ಬೆಂಗಳೂರು: ಜನವರಿ 26ರ ಗಣರಾಜ್ಯೋತ್ಸವದ ಧ್ವಜಾರೋಹಣ ನೆರವೇರಿಸಲು ಸಚಿವರನ್ನು ನೇಮಿಸಿ ಆದೇಶ ಹೊರಡಿಸಲಾಗಿದ್ದು, ಉಡುಪಿಯಲ್ಲಿ ನೂತನ ಸಚಿವ ಎಸ್‌. ಅಂಗಾರ ಅವರಿಗೆ ಧ್ವಜಾರೋಹಣದ ಅವಕಾಶ ಒದಗಿಬಂದಿದೆ.
ದ.ಕ. ಜಿಲ್ಲೆಯಲ್ಲಿ ಕೋಟ ಶ್ರೀನಿವಾಸ ಪೂಜಾರಿ :
ಮತ್ತು ಕೊಡಗು ಜಿಲ್ಲೆಯಲ್ಲಿ ವಿ. ಸೋಮಣ್ಣ ಧ್ವಜಾರೋಹಣ ಮಾಡುವರು. ಯಾವುದೇ ಸಚಿವರು ಅನಾ ರೋಗ್ಯಕ್ಕೆ ತುತ್ತಾದರೆ ಸಂಬಂಧ ಪಟ್ಟ ಜಿಲ್ಲಾಧಿಕಾರಿಗೆ ಧ್ವಜಾರೋಹಣಕ್ಕೆ ಅವಕಾಶ ನೀಡಲಾಗಿದೆ.
ಅಂಗಾರಗೆ ಉಡುಪಿ ಉಸ್ತುವಾರಿ ಸಾಧ್ಯತೆ :
ಸಂಪುಟಕ್ಕೆ ಹೊಸದಾಗಿ ಸಚಿವರ ಸೇರ್ಪಡೆಯಾ ಗಿರುವುದರಿಂದ ಹೆಚ್ಚುವರಿಯಾಗಿ ಉಸ್ತುವಾರಿ ಜಿಲ್ಲೆ ಗಳನ್ನು ಹೊಂದಿರುವ ಸಚಿವರ ಒಂದು ಜಿಲ್ಲೆಯ ಉಸ್ತುವಾರಿಯನ್ನು ವಾಪಸ್‌ ಪಡೆದು ಹೊಸ ಸಚಿವರಿಗೆ ಹಂಚಿಕೆ ಮಾಡುವ ಸಾಧ್ಯತೆ ಇದೆ.
ಉಡುಪಿ ಮತ್ತು ಹಾವೇರಿ ಜಿಲ್ಲೆಗಳ ಉಸ್ತುವಾರಿ ಹೊಂದಿರುವ ಗೃಹ ಸಚಿವ ಬಸವರಾಜ ಬೊಮ್ಮಾಯಿ ಅವರಿಂದ ಉಡುಪಿ ಉಸ್ತುವಾರಿಯನ್ನು ಹಿಂಪಡೆದು ಎಸ್‌. ಅಂಗಾರ ಅವರಿಗೆ ನೀಡುವ ಸಾಧ್ಯತೆ ಇದೆ ಎಂದು ತಿಳಿದುಬಂದಿದೆ.
