Renukaswamy ನನಗೂ ಅಶ್ಲೀಲ ಸಂದೇಶ ಕಳಿಸಿದ್ದ: ನಟಿ ಚಿತ್ರಾಲ್‌

ಬೆಂಗಳೂರು: ದರ್ಶನ್‌ ಹಾಗೂ ಗ್ಯಾಂಗ್‌ನಿಂದ ಹತ್ಯೆ ಯಾಗಿರುವ ರೇಣುಕಸ್ವಾಮಿ ತನಗೂ ಅಶ್ಲೀಲ ಮೆಸೇಜ್‌ ಕಳುಹಿಸಿದ್ದ ಎಂದು ನಟಿ, ಬಾಡಿ ಬಿಲ್ಡರ್‌ ಚಿತ್ರಾಲ್‌ ರಂಗಸ್ವಾಮಿ ಆರೋಪಿಸಿದ್ದಾರೆ. ಈ ಕುರಿತು ಎಕ್ಸ್‌ನಲ್ಲಿ ಮಾಹಿತಿ ಹಂಚಿ ಕೊಂಡಿರುವ ಚಿತ್ರಾಲ್‌, “ಗೌತಮ್‌ ಎಂಬ ಖಾತೆಯಿಂದ ನನಗೂ ಅಶ್ಲೀಲ ಸಂದೇಶ ಬಂದಿತ್ತು. ನಾನು ಆ ಖಾತೆ ಯನ್ನು ಬ್ಲಾಕ್‌ ಮಾಡಿದ್ದೆ. ಇತ್ತೀಚೆಗೆ ಪೊಲೀಸರು ರೇಣುಕಸ್ವಾಮಿ ಕುರಿತಾದ ಜಾಲತಾಣ ಖಾತೆ ಬಗ್ಗೆ ಹೇಳಿದಾಗ ನನ್ನ ಬ್ಲಾಕ್‌ ಲಿಸ್ಟ್‌ ನೋಡಿದೆ. ಆತ ನನಗೂ ಮೆಸೇಜ್‌ ಕಳಿಸಿರೋದು ಗೊತ್ತಾಯಿತು ಎಂದಿದ್ದಾರೆ.