ಶೀತಕ್ಕೆ ಆರಾಮ ಸಿಗಲು…

ಶೀತ, ಕೆಮ್ಮು ಇದ್ದಾಗ ಏನೇನು ಮಾಡಬೇಕು ಅಂತೆಲ್ಲಾ ಗೊತ್ತೇ ಇದೆ. ಕಷಾಯ ಕುಡಿಯಬೇಕು, ದೇಹವನ್ನು ಬೆಚ್ಚಗಿಡಬೇಕು ಇತ್ಯಾದಿ. ಆದರೆ, ಏನೇನೆಲ್ಲಾ ತಿನ್ನಬಾರದು ಅಂತ ಗೊತ್ತಿದೆಯಾ?

– ದೇಹದಲ್ಲಿ ಕಫ‌ ಹೆಚ್ಚಾಗುವಂತೆ ಮಾಡುವ ಮೊಸರು, ಯೋಗರ್ಟ್‌ನಿಂದ ದೂರವಿರಿ.
– ಶೀತ- ಜ್ವರ ಇದ್ದಾಗ ನೀರು ಕುಡಿಯುತ್ತಾ ಇರಬೇಕು. ಆದರೆ, ಹಣ್ಣಿನ ರಸ ಸೇವಿಸುವುದು ಒಳ್ಳೆಯದಲ್ಲ. ಜ್ಯೂಸ್‌ನಲ್ಲಿರುವ ಸಕ್ಕರೆ ಅಂಶವು, ರೋಗದ ವಿರುದ್ಧ ಹೋರಾಡುವ ಬಿಳಿ ರಕ್ತ ಕಣಗಳ ಕ್ಷಮತೆಯನ್ನು ಕಡಿಮೆ ಮಾಡುತ್ತದೆ.
– ಶೀತವಿದ್ದಾಗ ನಾಲಗೆ ಜಡ್ಡುಗಟ್ಟಿ ಕುರುಕಲು ತಿಂಡಿಗಳನ್ನು ತಿನ್ನೋಣ ಅನ್ನಿಸೋದು ಸಹಜ. ಹಾಗೇನಾದ್ರೂ ನಾಲಗೆಯ ಮಾತು ಕೇಳಿದಿರೋ, ಕೆಮ್ಮು ಹೆಚ್ಚಾಗೋದು ಖಂಡಿತ.
– ನೆಗಡಿಯಿದ್ದಾಗ ಆದಷ್ಟು ಸಪ್ಪೆ ಇರುವ ಆಹಾರ ಸೇವಿಸಿ.
– ಶೀತ-ತಲೆನೋವಿಗೆ ಕಾಫಿ ರಾಮಬಾಣ ಅನ್ನುವ ಮಾತಿದೆ. ಆದರೆ, ಕಾಫಿ ಕುಡಿಯುವುದರಿಂದ ಗಂಟಲು ಒಣಗಿ, ಕೆಮ್ಮು ಹೆಚ್ಚಾಗುವ ಸಂಭವವಿದೆ.