ಅಕ್ರಮವಾಗಿ ಕೆಂಪು ಮಣ್ಣು ಸಾಗಾಟ

ಚಿಂಚೋಳಿ: ತಾಲೂಕಿನ ಚಂದುನಾಯಕ ತಾಂಡಾದಿಂದ (ಶಾದಿಪೂರ) ಸಿಮೆಂಟ್‌ ಕಂಪನಿಗಳಿಗೆ ಕೆಂಪು ಮಣ್ಣು ಅಧಿಕಭಾರ (ಒವರ್‌ ಲೋಡ್‌) ಸಾಗಿಸುತ್ತಿದ್ದ 8 ಲಾರಿಗಳನ್ನು ಕುಂಚಾವರಂ ಪೊಲೀಸರು ದಾಳಿ ಮಾಡಿ ವಶಪಡಿಸಿಕೊಂಡಿದ್ದಾರೆ.

ತಾಲೂಕಿನ ಕುಂಚಾವರಂ ವನ್ಯಜೀವಿಧಾಮ ಅರಣ್ಯಪ್ರದೇಶಕ್ಕೆ ಹೊಂದಿಕೊಂಡಿರುವ ಶಾದಿಪೂರ ಗ್ರಾಮದ ಸಮೀಪ ಇರುವ ಚಂದುನಾಯಕ ತಾಂಡಾದಿಂದ ಕೆಂಪು ಮಣ್ಣು ಸಾಗಿಸಲು ಗಣಿ ಮತ್ತು ಭೂವಿಜ್ಞಾನ ಇಲಾಖೆಯಿಂದ ಅನುಮತಿ ಪಡೆಯದೇ ಹಾಗೂ ರಾಯಲ್ಟಿ ನೀಡದೇ ಅಕ್ರಮವಾಗಿ ಸಿಮೆಂಟ್‌ ಕಂಪನಿಗಳಿಗೆ ಲಾರಿಗಳು ಸಂಚರಿಸುತ್ತಿವೆ ಎಂದು ಜೆಡಿಎಸ್‌ ಮುಖಂಡ ಸಂಜೀವನ್‌ ಯಾಕಾಪೂರ ಮತ್ತು ಕಾರ್ಯಕರ್ತರು ನೀಡಿದ್ದಾರೆ.

ದೂರಿನ ಮೇರೆಗೆ ಶಾದಿಪೂರ ಗ್ರಾಮದ ಹತ್ತಿರ ದಾಳಿ ಮಾಡಿ 8 ಲಾರಿಗಳನ್ನು ಆರ್‌ಟಿಒ ಶರಣಯ್ಯ ಸ್ವಾಮಿ ವಶಪಡಿಸಿಕೊಂಡು ಕುಂಚಾವರಂ ಪೊಲೀಸರಿಗೆ ಒಪ್ಪಿಸಿದ್ದಾರೆ.