ವಾಚನ ಸಪ್ತಾಹ ಸಮಾರೋಪ ಸಮಾರಂಭ

ಮೀಯಪದವು: ಮೀಯಪದವು ವಿದ್ಯಾವರ್ಧಕ ಎ.ಯು.ಪಿ. ಶಾಲೆಯಲ್ಲಿ ವಾಚನ ಸಪ್ತಾಹದ ಸಮಾರೋಪ ಸಮಾರಂಭ ಶಾಲೆಯ ರಾಮಕೃಷ್ಣ ರಾವ್‌ ಸಭಾಂಗಣದಲ್ಲಿ ಜರಗಿತು.

ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಶಾಲಾ ಮುಖ್ಯೋಪಾಧ್ಯಾಯರಾದ ಸುಧಾಕರ ವಿ. ವಹಿಸಿದ್ದರು.

ಅತಿಥಿಯಾಗಿ ಜಿ.ಎಲ್. ಪಿ.ಎಸ್‌. ಮಜಿಬೈಲ್ ಶಾಲೆಯ ಮುಖ್ಯೋ ಪಾಧ್ಯಾಯರಾದ ಸುರೇಶ ಬಂಗೇರ ಆಗಮಿಸಿ ಕಾರ್ಯಕ್ರಮಕ್ಕೆ ಶುಭ ಹಾರೈಸಿದರು.

ಕಾರ್ಯಕ್ರಮದಲ್ಲಿ ಶಾಲಾ ಅಧ್ಯಾಪಕ ರಾದ ನಾರಾಯಣ ಯು., ಶಾಲಾ ಸ್ಟಾಫ್‌ ಸೆಕ್ರೆಟರಿ ರತ್ನಾವತಿ ಟೀಚರ್‌ ಹಾಗೂ ಶಾಲಾ ಅಧ್ಯಾಪಿಕೆ ನಳಿನಿ ಟೀಚರ್‌ ಉಪಸ್ಥಿತರಿದ್ದರು. ವಾಚನ ವಾರದ ಅಂಗವಾಗಿ ನಡೆದ ವಿವಿಧ ಸ್ಪರ್ಧೆಗಳ ವಿಜೇತರಿಗೆ ಬಹುಮಾನಗಳನ್ನು ವಿತರಿಸಲಾಯಿತು.

ಶಾಲಾ ಅಧ್ಯಾಪಕ ಸುನಿಲ್ ಕುಮಾರ್‌ ಬಹುಮಾನ ವಿತರಣ ಕಾರ್ಯಕ್ರಮ ನಡೆಸಿಕೊಟ್ಟರು. ಶಾಲಾ ಅಧ್ಯಾಪಿಕೆ ರಾಧಾಮಣಿ ಬಿ. ಸ್ವಾಗತಿಸಿದರು.

ಶಾಲಾ ಅಧ್ಯಾಪಕರಾದ ಅಶೋಕ್‌ ಕುಮಾರ್‌ ಡಿ. ವಂದಿಸಿದರು.

ಕಾರ್ಯಕ್ರಮವನ್ನು ಅಧ್ಯಾಪಕರಾದ ಮಹಾಬಲೇಶ್ವರ ಭಟ್ ನಿರೂಪಿಸಿದರು.