“ಇಂತಿ ನಿಮ್ಮ ಬೈರಾ’ರಿಲೀಸ್‌ಗೆ ರೆಡಿ

ತೆರೆಯ ಮುಂದೆ ಮತ್ತು ತೆರೆಯ ಹಿಂದೆ ಬಹುತೇಕ ಹೊಸ ಪ್ರತಿಭೆಗಳೇ ಸೇರಿ ನಿರ್ಮಿಸಿರುವ “ಇಂತಿ ನಿಮ್ಮ ಪ್ರೀತಿಯ ಬೈರಾ’ ಚಿತ್ರ ತೆರೆಗೆ ಬರೋದಕ್ಕೆ ಸಿದ್ಧವಾಗಿದೆ. “ಇತ್ತೀಚೆಗೆ ಚಿತ್ರವನ್ನು ವೀಕ್ಷಿಸಿದ ಪ್ರಾದೇಶಿಕ ಸೆನ್ಸಾರ್‌ ಮಂಡಳಿ ಚಿತ್ರಕ್ಕೆ ಯಾವುದೇ ಕಟ್ಸ್‌ ನೀಡದೆ “ಯು/ಎ’ ಪ್ರಮಾಣಪತ್ರವನ್ನು ನೀಡಿದ್ದು, ಚಿತ್ರದ ಬಿಡುಗಡೆಗೆ ಗ್ರೀನ್‌ ಸಿಗ್ನಲ್‌ ಸಿಕ್ಕಿದೆ’ ಎಂದಿದೆ ಚಿತ್ರತಂಡ. 

ವೆಂಕಟೇಶ್‌ ಕುಮಾರ್‌. ಡಿ ನಿರ್ಮಾಣದ “ಇಂತಿ ನಿಮ್ಮ ಬೈರಾ’ ಚಿತ್ರಕ್ಕೆ ಕೆ.ಜೆ ಚಿಕ್ಕು ಕಥೆ, ಚಿತ್ರಕಥೆ ಬರೆದು ನಿರ್ದೇಶನ ಮಾಡುತ್ತಿದ್ದಾರೆ. ಚಿತ್ರದ ದೃಶ್ಯಗಳಿಗೆ ಸಂತೋಷ್‌ ಪಾಂಡ್ಯನ್‌ ಛಾಯಾಗ್ರಹಣ, ಕಿರಣ್‌ ಕುಮಾರ್‌ ಸಂಕಲನ ಕಾರ್ಯ ನಿರ್ವಹಿಸಿದ್ದಾರೆ. ಚಿತ್ರದ ಹಾಡುಗಳಿಗೆ ಎಸ್‌. ನಾಗು ಸಂಗೀತ ಸಂಯೋಜನೆಯಿದ್ದು, ಕವಿರಾಜ್‌ ಮತ್ತು ಡಾ. ವಿ ನಾಗೇಂದ್ರ ಪ್ರಸಾದ್‌ ಹಾಡುಗಳಿಗೆ ಸಾಹಿತ್ಯವನ್ನು ಒದಗಿಸಿದ್ದಾರೆ.

ಚಿತ್ರಕ್ಕೆ ಕನಕ ಅವರ ಕಲಾ ನಿರ್ದೇಶನವಿದೆ. ಆರ್ಯನ್‌ ವೆಂಕಟೇಶ್‌, ಪ್ರಗತಿ, ಬೆಂಗಳೂರು ನಾಗೇಶ್‌, ಸುನೇತ್ರ ಪಂಡಿತ್‌, ಸಂಜು, ಬಸಯ್ಯ, ಅಪೂರ್ವ, ಅಂಜನಪ್ಪ, ವಟಾರ ಮಲ್ಲೇಶ್‌, ರಾಘು ರಾಮನಕೊಪ್ಪ, ಗಿರೀಶ್‌ ಮುಂತಾದವರು ಚಿತ್ರದ ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿದ್ದಾರೆ. ವಯೋವೃದ್ಧರು ಹಾಗೂ ಇಂದಿನ ಯುವ ಪೀಳಿಗೆಗಳ ಸುತ್ತ ನಡೆಯುವ ಕಥಾಹಂದರವಿರುವ ಈ ಚಿತ್ರ ಹಾಸ್ಯದ ಶೈಲಿಯಲ್ಲಿ ಮೂಡಿ ಬರುತ್ತಿದೆ.