Rashmika Mandanna; ಕುಬೇರ ಮೂಲೆಯಲ್ಲಿ ನಿಂತ ರಶ್ಮಿಕಾ ಮಂದಣ್ಣ

ನೋಡ ನೋಡುತ್ತಿದ್ದಂತೆಯೇ ಸ್ಟಾರ್‌ನಟಿಯಾದ ಕೊಡಗಿನ ಬೆಡಗಿ ರಶ್ಮಿಕಾ ಈಗ ಕುಬೇರ ಮೂಲೆಯಲ್ಲಿ ನಿಂತಿದ್ದಾರೆ. ಅವರೆದುರು ದೊಡ್ಡ ಸೂಟ್‌ಕೇಸ್‌ನಲ್ಲಿ ದುಡ್ಡಿದೆ. ಆ ದುಡ್ಡನ್ನೆಲ್ಲಾ ಅವರು ತೆಗೆದುಕೊಂಡು ಹೋಗಿದ್ದಾರೆ! ಹೀಗೆಂದರೆ ನಿಮಗೆ ಆಶ್ಚರ್ಯವಾಗಬಹುದು. ಇದು ರಶ್ಮಿಕಾ ಹೊಸ ಚಿತ್ರ “ಕುಬೇರ’ದ ಪಾತ್ರ ಪರಿಚಯದ ಟೀಸರ್‌.

ಹೌದು, ತಮಿಳು ನಟ ಧನುಶ್‌ ನಟನೆಯ ಪ್ಯಾನ್‌ ಇಂಡಿಯಾ ಸಿನಿಮಾ “ಕುಬೇರ’ದಲ್ಲಿ ರಶ್ಮಿಕಾ ನಾಯಕಿ. ಶುಕ್ರವಾರ ಚಿತ್ರತಂಡ ರಶ್ಮಿಕಾ ಪಾತ್ರ ಪರಿಚಯದ ಟೀಸರ್‌ ಅನ್ನು ಬಿಡುಗಡೆ ಮಾಡಿದ್ದು, ಗಮನ ಸೆಳೆಯುತ್ತಿದೆ.

ಬಹುಭಾಷೆಯಲ್ಲಿ ಬೇಡಿಕೆಯಲ್ಲಿರುವ ರಶ್ಮಿಕಾ ಸದ್ಯ ಸಲ್ಮಾನ್‌ ಖಾನ್‌ ಜೊತೆ “ಸಿಕಂದರ್‌’ನಲ್ಲಿ ನಟಿಸುತ್ತಿದ್ದಾರೆ. ಅಲ್ಲು ಅರ್ಜುನ್‌ ಜೊತೆ ನಟಿಸಿರುವ “ಪುಷ್ಪ-2′ ಡಿಸೆಂಬರ್‌ನಲ್ಲಿ ತೆರೆಕಾಣಲಿದೆ.